Pitri te jor gari thaka
Upor te uthi jabole laga ekta gana.
Biswas ke jaga laga chobi pora koi ase. Biswas kora manuh khan Zion Pahar nisena hilai napare, aru jineka pahar khan Jerusalem ke ghirai thake, oneka amar Pitri Tar manuh khan ke ghirai thake. Dusto manuh laga raj etu desh uporte nathakibo, kilemane etu pora bhal manuh khan ke bhi biya kaam kori bole lalach dibo.
125 1Kun manuh amar Pitri ke biswas kore, tarkhan Zion Pahar nisena ase, juntu ke hilabo napare, kintu hodai thaki thake. 2Jineka pahar khan pora Jerusalem ke gheri loi ase, teneka amar Pitri pora Tar manuh khan ke gheri loi ase, etiya aru hodai nimite. 3Dustota laga raj-lathi tu dharmik khan nimite bhag kori diya mati te thaki nathakibo, eneka pora dharmik khan pora biya kaam koribole tarkhan laga hath nalombabo. 4Bhal koribi, amar Pitri, kun manuh bhal ase aru kun laga mon sidha ase, tarkhan nimite. 5Kintu kun manuh tarkhan laga tera rasta phale ghuri jai, amar Pitri pora tarkhan ke biya kaam kora khan logot loi jabo. Israel uporte shanti thakibi!