Tebu nung tsüng tetepba
Atutsüba ken.
Tekümzük lima o agi tetangshir. Dak amangertem Zion tenem ama manokshidaktsü, aser asen Tebui tenemtemi Yirusalem meketbangba ama parnok meketbanger. Tamajung chuba iba lima madak maliitsü, kechiaser aji temeshipur dang tamajung inyaktsü asoshi teka songtoka agütsütsü.
125 1Asen Tebu dak amangertem Zion tenem ama lir, iba manokshi-daktsü, saka teti abidan. 2Tenemtemi Yirusalem meketbangba ama, asen Tebui pei nübur tang aser teti meketbanger. 3Temeshipur nem lemzükba lima madak tamajung chuba mechi manentsü, temeshipuri tamajung inyaktsü asoshi pei teka masongtoktsü. 4Oba, tajung aliba purtem dang, pei mulung nung temeshiba purtem dang tajung inyakang. 5Saka pei tekirak lenmang leni meyipertem, asen Tebui tamajung inyakertem den parnok anir odaktsü. Israel madak tesünep liang!