Gushinga imizi muri Data
Ururirimbo rwo kuduga.
Ukwizera kudondorwa nk'ikarata y'igihugu. Abizera ntibanyiganyizwa nk'umusozi wa Siyoni, kandi Data wacu arabakikuje nk'uko imisozi ikikuje Yerusalemu. Ubutegetsi bw'abanyakibi ntibuzoguma kuri iki gihugu, kuko bwoshuka abantu beza bagakora ikibi.
125 1Abizigira Data wa twese bameze nk’umusozi Siyoni, utanyiganyizwa ariko uguma ibihe bidashira. 2Nk’uko imisozi ikikuje Yeruzalemu, ni ko Data wa twese akikuje abantu biwe, ubu n’ibihe bidashira. 3Inkoni y’ubwami y’ububisha ntizoguma ku gihugu cahawe abagororotsi, kugira ngo abagororotsi ntibarambure amaboko yabo bakore ikibi. 4Gira neza, Data, ku bameze neza, ku bagororotse mu mitima yabo. 5Mugabo abakebukira mu nzira zabo zigoramye, Data wa twese azobajana hamwe n’abakora ububisha. Amahoro abe kuri Isiraheli!
