Kuzika misodi mwena Tata
Mukunga wa kukwenda ku Yelusalemi.
Lukwikilu lwasamunwa mu kifwanisu kya buma. Bana bisi kwikila benina bakonda kunikana hanga mongu wa Siyoni, amana Tata wetu wisi babazyeta bwosu myongu misi zyeta Yelusalemi. Luyalu lwa mbi lwananginaku hana thandu ya tsi yayi, mukuma lwakababwisa batu ba mboti mu kusala mbi.
125 1Bana bisi kwikila mwena Tata wetu benina hanga mongu wa Siyoni, wuna wufwaniku kunikana kaasi wunangi mvula yi mvula. 2Bwosu myongu misi zinga Yelusalemi, bwabuna Tata wetu wisi zinga batu bandi, buthwena yi mvula yi mvula. 3Koka dya mbi dikanangaku hana tsi yina yáhanwa kwena batu ba masonga, hanga batu ba masonga bayunaku moku ma bawu mu kusala mbi. 4Hanga mamboti, A Tata wetu, kwena batu ba mboti, kwena batu basungama muna mbundu za bawu. 5Kaasi bana bisi tota mu nzila za bawu za khonda, Tata wetu kabanata hakimosi yi basadi ba mbi. Ngemba yakala hana thandu ya Kiseledi!
