Ne root eng' Kwanda
Tyeniit ne po togoset.
Kimwaei mang'unet ko uu komoswek. Che mang'u Kwandanyo ko uu tulweetap Zion ne ma kitumduma, ak yiemei Kwandanyo icheek ko uu ye yiemei tuloonook Jerusalem. Ma tebi kirokto ne po tengekto parak eng' emoni, amu imuunynyi piik che po iman kobun yaigap ne ma po iman.
125 1Che mang'u Kwandanyo ko uu tulweetap Zion, ne ma kitumduma ago tebi koigeny. 2Ko uu ye yiemei tuloonook Jerusalem, ko uu noo yiemei Kwandanyo piikyik, nguno ak koigeny. 3Ma imuuny kirokto ne po tengekto eng' emet ne ki kapchii piik che po iman, si ma chuul piik che po iman eunekwak koyai ne ma po iman. 4Yachi ne myee, ee Kwandanyo, che myee, kobooto che tononotiin eng' mugulelwekwak. 5Ago che maste koba ortinwekwak che mastaat, imut Kwandanyo kobooto yaigap yaityo. Ingotebi kaalyeet eng' Israel!