Kukangama na Tata
Mukunga ya kutombuka.
Ba ke tubila kivuvu na mutindu ya bisika. Bayina ke tula kivuvu kele mutindu Mongo ya Siyone yina lenda tekita ve, mpe Tata ya beto ke zunga bawu mutindu myongo ke zunga Yelusalemi. Kiyadi ya yimbi ke bikana ve na zulu ya ntoto yayi, samu ti yawu zolaka kutindika bantu ya mbote na kusala mambu ya yimbi.
125 1Bayina ke tula kivuvu na Tata ya beto kele mutindu Mongo ya Siyone, yina lenda tekita ve kasi yawu ke zinga seko. 2Mutindu myongo ke zunga Yelusalemi, ni mutindu yina Tata ya beto ke zunga bantu ya yandi, ntangu yayi mpe seko. 3Mukawa ya yimbi ke vwanda ve na zulu ya ntoto yina ba pesaka na bantu ya kudedama, samu ti bantu ya kudedama kulambula ve maboko ya bawu samu na kusala mayuya. 4Sala mambu ya mbote, Tata ya beto, na bayina kele ya mbote, na bayina kele ya kusungama na bantima ya bawu. 5Kasi bayina ke baluka na banzila ya bawu ya kutengama, Tata ya beto ke nata bawu kintwadi na bantu ya yimbi. Bika ti kizunu kuvwanda na zulu ya Isayeli!