ربّئن گونو گلئر
او گون اوغرو کئمی گلئر، آمّا اونلار بو باره‌ده قارانلیقدا دیئل، اونا گؤره اویاق و آییق اولون. سون سؤز سورعتلی بئر سئیاهی‌دیر: باشچیلارینیزا حؤرمت ادئن، روحدان دوشَنلری تسلّی ورئن، صبئرلی اولون، سوئنئن، دوعا ادئن، شوکور ادئن، هر شیی ائمتاحان ادئن و یاخشی اولانا یاپیشین.
5 1ائندی زامانلار و واختلار حاقّیندا، ای قارداشلار، سئزه بئر شی یازیلماسینا احتئیاج یوخدور. 2سئز اؤزونوز یاخشی بئلئرسئنئز کی، ربّئمئز عئسانین گونو گجه گلن اوغرو کئمی گلئر. 3ائنسانلار «باریش و اَمئن-آمانلیق» دیئنده، قفئلدن هلاکت اونلارین اوستونه گلر، نجه کی دوغوم آغریسی بویلو آروادین اوستونه گلر، و اونلار قاچا بئلمزلر. 4آمّا سئز، ای قارداشلار، قارانلیقدا دیئلسئنئز کی، او گون اوغرو کئمی سئزی یاخالاسین. 5سئزئن هامینیز نور اؤولادلاری و گوندوز اؤولادلاری‌سینیز؛ بئز نه گجه‌یه، نه ده قارانلیغا عایید دیئلئک. 6بله‌جه، گلئن باشقالاری کئمی یاتمایاق، آمّا اویاق و آییق اولاق. 7چونکی یاتانلار گجه یاتارلار، و کفلَنَنلر گجه کفلی اولارلار. 8آمّا بئز گوندوزه عایید اولدوغوموز اوچون، گلئن آییق اولاق، ائمان و محبّتی زئرِه کئمی، نئجات اومئدئنی ده دَبئلقه کئمی گِییَک. 9چونکی آتامیز بئزی قضب اوچون یوخ، بلکه ربّئمئز عئسا مسئحئن واسئطه‌سئله نئجات قازانماق اوچون تعیئن ادئب. 10او بئزئم اوچون اؤلدو کی، اویاق اولاندا دا، یاتاندا دا، اونونلا بئرلئکده یاشایاق. 11اونا گؤره، بئربئرئنئزه اورَک ورئن و بئربئرئنئزی بئنا ادئن، نجه کی ائندی ده ادئرسئنئز.
نور اؤولادلاری کئمی یاشاماق
12سئزدن خاهئش ادئرئک، ای قارداشلار، آرانیزدا چوخ چالیشان، ربده سئزه باشچیلیق ادن و سئزی نصئحت ادن آداملارا حؤرمت ادئن. 13اونلاری اؤز ائشلری اوچون، محبّتله لاپ اوجا توتون. آرانیزدا باریش ائچئنده یاشایین.
14ای قارداشلار، سئزدن تکئدله خاهئش ادئرئک: تنبل‌لری نصئحت ادئن، مأیوسلارا تسلّی ورئن، ضعئف‌لره دایاق اولون، هامی ائله صبئرلی اولون. 15دئقّت ادئن کی، هچ کس هچ کسه پئسلئک عوضئنه پئسلئک اتمه‌سئن، بلکه همئشه بئربئرئنئزه و هامییا یاخشیلیق اتمه‌یه چالیشین.
16همئشه سوئنئن، 17دایانمادان دوعا ادئن، 18هر شیده شوکور ادئن؛ چونکی مسئح عئسادا آتامیزین سئزئن اوچون ائسته‌یی بودور. 19موقدّس روحو سؤندورمه‌یئن. 20نبئلئکلری حقئر گؤرمه‌یین، 21بلکه هر شیی ائمتاحان ادئن؛ یاخشی اولانی برک توتون. 22هر جور پئسلئکدن اوزاق دورون.
23باریش آتامیزین اؤزو سئزی تامامن موقدّس اتسئن، و بوتون روحونوز، جانینیز و بدنئنیز ربّئمئز عئسا مسئحئن گلمه‌سئنده کامئل ساخلانسین. 24سئزی چاغیران صادئقدئر؛ او، حتمن بونو یرئنه یتئره‌جک.
25ای قارداشلار، بئزئم اوچون دوعا ادئن.
26بوتون قارداشلاری موقدّس بئر اؤپوشله سالاملایین. 27سئزی ربّئن حوضوروندا آند ورئرم کی، بو مکتوبو بوتون قارداشلارا اوخویاسینیز.
28ربّئمئز عئسا مسئحئن فیضی سئزئنله اولسون.
