داوود و موقدّس چؤرک
قاچاق و سئلاحسیز داوود نوبداکی کاهئنه یالان ددی و گولیاتین قیلینجی ائله آتامیزین حوضوروندان گؤتورولموش چؤرکله اورادان آیریلدی. اِدوملو دواِق بونون هامیسینی گؤردو. سونرا گَتده تانینیب، داوود آغزینین سویونو ساققالینا آخیدیب دروازانی جیزماقلا اؤزونو قورتاردی.
21 1داوود نوبدا کاهئن اَخئمِلِکئن یانینا گلدی. اَخئمِلِک تئتره‌یه‌رک اونو پئشواز اتمه‌یه گلئب سوروشدو: «نئیه تکجه‌سن، یانیندا هچ کس یوخدور؟» 2داوود کاهئن اَخئمِلِکه ددی: «پادشاه منه امر ورئب ددی: ”سنی گؤندَردئیئم وظئفه و سنه امر اتدئیئم شی حاقّیندا هچ کس هچ بئر شی بئلمه‌سئن.“ جاوانلاریمی دا فلان یره گؤندَ‌رمئشم. 3ائندی سنده نه وار؟ بش کؤمبه چؤرک، یا دا هر نه تاپسان، منه ور.»
4کاهئن داوودا ددی: «اَلئمده عادی چؤرک یوخدور، آنجاق موقدّس چؤرک وار؛ اگر جاوانلار اؤزلرئنی آروادلاردان ساخلاییب اولسالار.»
5داوود کاهئنه جاواب وردی: «هر زامان یولا دوشَنده اولدوغو کئمی، آروادلار بئزدن اوزاق اولوب. جاوانلارین اؤزلری عادی بئر سفر زامانی دا موقدّسدئر؛ بس بو گون اؤزلری نه قدر داها چوخ موقدّس اولاجاق؟» 6بله‌جه کاهئن اونا موقدّس چؤره‌یی وردی، چونکی اورادا آنجاق حوضور چؤره‌یی وار ائدی؛ بو چؤرک، گؤتورولدویو گون یرئنه ائستی چؤرک قویماق اوچون آتامیزین حوضوروندان گؤتورولموشدو. a a v6 حوضور چؤره‌یی اون ائکی کؤمبه چؤرک ائدی کی، موقدّس یرده آتامیزین حوضوروندا ساخلانیلیب هر هفته یرئنه تزه‌سی قویولوردو؛ عادتن آنجاق کاهئنلره اونو یمه‌یه ائجازه وار ائدی.
7او گون اورادا شاعولون اعیانلاریندان بئری وار ائدی کی، آتامیزین حوضوروندا قالمیشدی: اِدوملو دواِق، شاعولون چوبانلارینین باشچیسی.
8داوود اَخئمِلِکه ددی: «بورادا بئر نئزه یا قیلینج وار؟ نه قیلینجیمی، نه ده سئلاحلاریمی اؤزومله گتئرمه‌مئشم، چونکی پادشاهین امری تَعجئلی ائدی.»
9کاهئن ددی: «فئلئسطلی گولیاتین قیلینجی، یعنی اِلا دره‌سئنده اؤلدوردویون گولیاتین قیلینجی، بورادادیر؛ اِفودون آرخاسیندا بئر پارچایا بورونوب. اگر ائسته‌یئرسن، گؤتور؛ بوندان باشقا بورادا یوخدور.» داوود ددی: «اونون تایی یوخدور؛ اونو منه ور.»
داوود گَته قاچیر
10همن گون داوود دوروب شاعولدان قاچدی و گَتئن پادشاهی آکئشئن یانینا گلدی. 11آمّا آکئشئن اعیانلاری اونا ددئلر: «مگر بو، اؤلکه‌نئن پادشاهی داوود دیئل؟ مگر بو، او آدام دیئل کی، رقصلرده اونون حاقّیندا اوخویوردولار: ”شاعول قیردی مئنلری، داوود اون مئنلری؟“»
12داوود بو سؤزلری اوره‌یئنده ساخلادی و گَتئن پادشاهی آکئشدن بَرک قورخدو. 13بله‌جه اونلارین قاباغیندا اؤز رفتارینی دیئشدی و اونلارین حوضوروندا دَلی‌لئک اتدی؛ دروازا قاپیلارینی جیزما-قارا اتدی و آغزینین سویونو ساقّالینا آخیتدی. 14آکئش اؤز اعیانلارینا ددی: «باخین، گؤرورسونوز کی، بو آدام دَلی‌دئر. نئیه اونو منئم یانیما گتئرئرسئنئز؟ 15مگر منئم دَلیلرئم آزدیر کی، بونو منئم یانیما گتئردئنئز، تا قاباغیمدا دَلی‌لئک اتسئن؟ مگر او، منئم اِوئمه گئرمه‌لی‌دئر؟»
