መዝሙር 148

148 ¹ሃሌ ሉያ! አባታችንን ከሰማያት አመስግኑ፤ በከፍታዎችም አመስግኑት። ²መላእክቱ ሁሉ፣ አመስግኑት፤ ሠራዊቱ ሁሉ፣ አመስግኑት። ³ፀሐይና ጨረቃ፣ አመስግኑት፤ አንጸባራቂ ከዋክብት ሁሉ፣ አመስግኑት። ⁴እናንተ የሰማያት ሰማያት፣ አመስግኑት፤ ከሰማያት በላይ ያላችሁ ውሆችም አመስግኑት። ⁵የአባታችንን ስም ያመስግኑ፤ እርሱ አዝዞ ተፈጥረዋልና። ⁶ለዘላለም ለዘወትርም አጸናቸው፤ የማያልፍ ሥርዓትን ሰጠ።

⁷አባታችንን ከምድር አመስግኑ፤ እናንተ የባሕር ፍጥረታት፣ ቀላያትም ሁሉ፣ ⁸እሳትና በረዶ፣ አመዳይና ጉም፣ ቃሉን የሚፈጽም ዐውሎ ነፋስ፣ ⁹ተራሮችና ኰረብቶች ሁሉ፣ ፍሬያማ ዛፎችና ዝግባዎች ሁሉ፣ ¹⁰የዱር አራዊትና እንስሳት ሁሉ፣ የሚሳቡ ፍጥረታትና የሚበርሩ ወፎች፣ ¹¹የምድር ነገሥታትና ሕዝቦች ሁሉ፣ መሳፍንትና የምድር ገዦች ሁሉ፣ ¹²ጐበዛዝትና ቈነጃጅት በአንድነት፣ ሽማግሌዎችና ሕፃናት።

¹³የአባታችንን ስም ያመስግኑ፤ ስሙ ብቻ ከፍ ከፍ ብሏልና፤ ክብሩ ከምድርና ከሰማይ በላይ ነው። ¹⁴ለሕዝቡ ኀይልን አስነሣ፤ ለታማኞቹ ሁሉ ምስጋናን፣ ቅርብ ለሆኑት ለእስራኤል ሕዝብ ለእርሱ አስገኘ። ሃሌ ሉያ!