Yaübü Kaodak Pendou, Hao Sangashi
Müh thükanei kaonyu sühko haübü che: khuthük hangangbü shuong, chanyu si litnyu, kheijinei yungnyu kabü yangsikok, wan si senlaang, shongh, bulong, meisiau, Choba shuong hoba shousi shuong. Nyen weanchühbü pendou laobouei sakkukei, hoba pendou to nyen che ka jongaijan dogo suada: seneibü Bou.
148 1Haleluya! Müh ka seneibü Bou sangashi; thükae ka hao sangashi. 2Hao sangashi, haoeibü khuthük hangangbü pendou; hao sangashi, haoeibü lakjaibü dan pendou. 3Hao sangashi, chanyu hoba litnyu; hao sangashi, kan shingan kibü khanshoulitshou pendou. 4Hao sangashi, kan thükkabou mühshuong, hoba kan müh thüka kibü yungnyu shuong. 5Haoenei seneibü Bou nyen sangashi, aishanga haoei sakkukei hoba khübü yaükei. 6Haoei khübü ponpen thon akiko sengan phokei; hoba adanlabü ngühkhüm che kukei.
7Kaodak ka seneibü Bou sangashi, kan yungnyu kabü yangsikok hoba yungnyu haübü pendou, 8wan hoba senlaang, ninthu hoba sangmei, haoeibü ngüh loushedlabü danjung yei, 9shongh hoba shonghshou pendou, mai hekbü bulong hoba cedar pendou, 10yamkabü meisiau hoba samkeisamuk pendou, shanbü yangsikok hoba mühka sengbü au, 11kaodak Choba shuong hoba phang pendou, yaangenbü shuong hoba kaodak matjembü shuong pendou, 12heshou shuong hoba younak yaksa shuong, baushi shuong hoba nashou shuong.
13Haoenei seneibü Bou nyen sangashi, aishanga haoeibü nyen mütpemei yaangenbü ki; haoeibü soneikangbü kaodak hoba müh thüka ki. 14Haoei haoeibü mütli shanga hau yaangtikei, khei haoeibü saopobü shuong pendou, hao nyangko kibü Israel mütli shanga nyensang ki. Haleluya!
