Thi kesü keta metü, Pu chuyite
Tüyolüno cejü kemothe ha Po chuko za cü: tüyo choyimi, nace mu khri, süsa jükezho krütako, tüyo phrü, cejütuko, sübo, khonuko, kedeko mu nuneko. Süko metü po die thi kesü, mu metü za kena yolü küla te zi kecho: ha Po.
148 1Haleluya! Tüyo celü ha Po chuyite; kerekrütholü Pu chuyite. 2Pü tüyo choyimi metü, Pu chuyite; pü paheko metü, Pu chuyite. 3Nace mu khri, Pu chuyite; keve keta thenyüko metü, Pu chuyite. 4Neko tüyo kerekrütho, Pu chuyite; mu tüyo pi keba jüko metü, Pu chuyite. 5Uko ha Po za meto süte, kekrelamori Pue po die, süko thi kesü. 6Pue süko kechothe zapozale kha kesü; di ta hozo keta thezho Pue thisü.
7Cejü celü ha Po chuyite, neko jü kezho khonuko mu jü kerelüko metü, Pu chuyite. 8Me mu tüyo phrü, makre mu mhü, pü züo tsühyi keta tükhra kerü metü, Pu chuyite. 9Cejütuko mu retu metü, use kethi sübo mu cedar sübo metü, Pu chuyite. 10Nhathiko mu cüriko metü, gu ketako mu prü keta merako metü, Pu chuyite. 11Cejülü kedeko mu thüma metü, kezhoko mu cejülü krütako metü, Pu chuyite. 12Khresamiko mu rüli kemha, kenani thüpumi mu nuneko metü, Pu chuyite.
13Uko ha Po za meto süte, kekrelamori pü za kümosa thi kerekrü zo; pü zapozale cejü mu tüyo pi bazo. 14Pue pü thümako khapü keku mülesü, pü dzütho keyiko metü khapü yikeshü mu püce kemecu keta israelmiko khapü mülesü. Haleluya!
