ሆሴዕ 11

11 ¹እስራኤል ሕፃን በነበረ ጊዜ ወደድሁት፤ ልጄንም ከግብፅ ጠራሁ።

²በተጠሩ ቍጥር ይበልጥ ዘወር አሉ፤ ለበኣሎች መሥዋዕት ማቅረባቸውን፣ ለተቀረጹ ምስሎችም ዕጣን ማጨሳቸውን ቀጠሉ። ³ኤፍሬምን መራመድ ያስተማርሁት፣ በክንዶቻቸውም ተሸክሜ ያነሣኋቸው እኔ ነበርሁ፤ እኔ እንደ ፈወስኋቸው ግን አላወቁም። ⁴በቸርነት ገመዶች፣ በፍቅርም እስራት መራኋቸው፤ ከመንጋጋቸው ላይ ቀንበርን እንደሚያነሣ ሰው ሆንሁ፤ ላበላቸውም ጐንበስ አልሁ።

⁵ወደ ግብፅ ምድር አይመለሱም፣ ሊመለሱ ስላልወደዱም አሦር ንጉሣቸው ይሆናል። ⁶ሰይፍ በከተሞቻቸው ላይ ይሽከረከራል፣ የደጆቻቸውን መወርወሪያዎች ይበላል፣ ከራሳቸውም ምክር የተነሣ ይበላቸዋል። ⁷ሕዝቤ ከእኔ ዘወር ለማለት ቈርጠዋል፤ ወደ ልዑሉ ቢጠሩም፣ ከቶ ከፍ አያደርጋቸውም።

⁸ኤፍሬም ሆይ፣ እንዴት አድርጌ ልተውህ? እስራኤል ሆይ፣ እንዴት አሳልፌ ልስጥህ? እንዴትስ እንደ አዳማ ላድርግህ? እንዴትስ እንደ ጸቦይም ልያዝህ? ልቤ በውስጤ ተገለበጠ፤ ርኅራኄዬ ጋለ፣ ራራሁም። ^a a v8 እዚህ ላይ የአባታችን ልብ በሕዝቡ ላይ ሊመጣ የሚገባውን ፍርድ ይቃወማል፤ ልጆቹን አሳልፎ ለመስጠት ልቡ ፈጽሞ አይፈቅድለትም። ይህም የማንነቱ ዕምብርት የሆነው፣ ተመላሽና አሳዳጅ ፍቅር ነው። ⁹በገነፈለ ቍጣዬ አልፈጽምም፤ ኤፍሬምንም ዳግመኛ አላጠፋም። እኔ አባትህ ነኝና፣ ሰው አይደለሁም፤ በመካከልህ ያለሁ ቅዱሱ ነኝ፤ በቍጣም አልመጣም። ¹⁰አባታችንን ይከተላሉ፤ እርሱም እንደ አንበሳ ያገሣል። በሚያገሣም ጊዜ፣ ልጆቹ ከምዕራብ እየተንቀጠቀጡ ይመጣሉ። ¹¹ከግብፅ እንደ ወፎች፣ ከአሦር ምድርም እንደ ርግቦች እየተንቀጠቀጡ ይመጣሉ፤ በቤቶቻቸውም አኖራቸዋለሁ፣ ይላል አባታችን።

¹²ኤፍሬም በውሸት፣ የእስራኤልም ቤት በተንኰል ከበበኝ፤ ይሁዳ ግን ገና ከአባታችን ጋራ ይሄዳል፣ ለቅዱሱም ታማኝ ነው።