Pitri pora Tar Putro ke ghor te mate
Etu kotha laga sur amar Pitri laga ase. Tai Ephraim ke berabo sikhaise, tai ke uthai dise aru niche jhuki kene tai ke khilai dise, aru tai Tai ke chari dise. Titia ghuri jai, Moi tumi ke kineka chari dibo, aru Tai koi Tai nijor laga khong pora kaam na koribo, kelemane Tai manu nohoi.
11 1Israel bacha thaka homoi te, Moi tar ke morom korise, aru Egypt pora Moi laga putro ke matise.
2Jiman tarkhan ke matise, timan tarkhan ghuri jaise; tarkhan Baal khan ke bolidan di thakise aru khodai kora murti khan ke dhup julai thakise. 3Hoilebi Ephraim ke berabole sikhai diya tu Moi he thakise, tarkhan laga hath pora dhori uthaise; kintu Moi tarkhan ke bhal korise koi kene tarkhan jana nai. 4Moi tarkhan ke morom laga rusi pora, prem laga bandhon pora loi jaise; Moi to tarkhan laga gaal pora jongal uthai diya ekjon nisena thakise, aru Moi tarkhan ke khilabole niche jhukise.
5Tarkhan Egypt desh te wapas najabo, kintu Assyria tarkhan laga raja hobo, kilemane tarkhan wapas ahibole mana korise. 6Talwar tarkhan laga sheher khan uporte ghuri jabo, tarkhan laga dorja laga agol khan ke khotom koribo, aru tarkhan nijor laga chalaki khan nimite tarkhan ke grash koribo. 7Moi laga manuh khan Moi pora ghuri jabole mon lagai ase; tarkhan Sobse Uporte thaka ke matile bhi, Tai tarkhan ke eku uthai nadibo.
8Moi tumi ke kineka chari dibo, Ephraim? Moi tumi ke kineka dusra laga hath te di dibo, Israel? Moi tumi ke kineka Admah nisena koribo? Moi tumi ke kineka Zeboiim nisena bebohar koribo? Moi laga mon ulta hoi uthi ase; Moi laga morom gorom aru norom hoi uthise. a a v8 Yate Pitri laga nijor mon Tar manuh khan pabole thaka saja birodh te ghuri jai ase — Tai nijor laga bacha khan ke chari dibole mon nai. Eitu Tai kun ase tar thik maja te thaka, norom hoi juwa aru pichete bisari juwa morom ase. 9Moi laga bhoyankor khong te Moi kaam nakoribo; Moi aru ekbar Ephraim ke khotom nakoribo. Kilemane Moi tumar Pitri ase aru ekjon manuh nahoi, tumar majot te thaka Pobitro Ekjon, aru Moi khong pora nahibo. 10Tarkhan amar Pitri laga pichete jabo; Tai bagh nisena gorjon koribo. Jitia Tai gorjon koribo, Tar bacha khan paschim pora kapi kapi ahibo. 11Tarkhan Egypt pora chiriya khan nisena kapi kapi ahibo, Assyria desh pora kobutor khan nisena, aru Moi tarkhan ke tarkhan laga ghor khan te bosai dibo, amar Pitri pora koi ase.
12Ephraim pora Moi ke misa kotha khan pora gheri loise, aru Israel laga ghor pora thogai pora; kintu Judah etiya bhi amar Pitri logot te berai ase, aru Pobitro Ekjon logot te biswasi ase.