Ephraim Hawa Khai Ase
Itihas laga sikhai to amar Pitri laga mamla nisena use kori ase. Jacob tai laga bhai laga gor dhori loise aru Bethel te kusti korise; tai laga bongsho khan etiya purab laga batah ke dhori ase, Assyria logot niyom-bandhan kore, aru jhutha daripalla use kore aru koi, kun bhi amikhan te dosh pabo na paribo. Wapas ahibi, morom aru nyay ke dhori rakhibi, rukhi thakibi.
12 1Ephraim hawa khai ase aru din bhor purab laga hawa piche kori ase; tarkhan misa aru hinsa joma kori ase. Tarkhan Assyria logot vachan bonai ase, aru tarkhan laga tel Egypt te loi jai ase. 2amar Pitri laga Judah logot bisar ase, aru Tar pora Jacob ke tar rasta khan nimite hisab lobo; tar kaam khan hisab te Tar pora tar ke badla dibo. 3Pet bhitor te tar pora tar bhai laga gori dhurise, aru tar takot te tar pora amar Pitri logot lorai korise. 4Tar pora doot logot lorai kori kene jitise; tar pora kandise aru Tar laga doya mangise. Bethel te tar pora Tar ke lagpaise, aru ta te Tar pora amikhan logot kotha koise. 5Sorgo laga sena khan laga Pitri—amar Pitri he Tar nam ase, ji nam pora Tar ke yaad kore. 6Etiya tumi—tumar Pitri logot wapas ahhibi; vachan laga morom aru nyay ke dhuri kene rakhibi, aru hodai tumar Pitri ke rukhi thakibi.
7Ekjon bebhari jun laga hath te misa tulani ase—tar pora dukh diya ke bhal pai ase. 8Ephraim koi ase, “Ah, kintu moi dhoni hoi jaise; moi nijor nimite dhan pai loise. Moi laga sob kaam te, tarkhan pora moi bhitor te eku golti pabo nai—eku bhi, ji tu hosa te paap ase.”
9“Kintu Moi tumar Pitri ase, jun pora tumi ke Egypt desh pora bahar ulai anise; Moi aru tumi ke tombu khan te thaki bole dibo, thik kora purab laga din khan nisena. a a v9 Thik kora purab tu Sukkot ase (Thaki Bole Ghor laga Purab), jitia Israel pora jongol laga bosor khan ke yaad kori bole olop somoi laga tombu nohoile chapra ghor khan te thakise. 10Moi bhabobadi khan ke koise; Moi he darshan khan bisi korise, aru bhabobadi khan pora Moi drishtanto khan dise.”
11Jodi Gilead paap ase, tarkhan eku nohoi hoi jaise; Gilgal te tarkhan boloi khan bolidan kore—tarkhan laga bedi khan bhi kheti laga naal khan te pathor laga dher khan nisena ase. 12Jacob Aram desh te polaise; ta te Israel maiki ekjon nimite kaam korise, aru maiki ekjon nimite tar pora mer khan ke sa-bisa korise. 13Ekjon bhabobadi dwara amar Pitri pora Israel ke Egypt pora bahar uthai anise, aru ekjon bhabobadi dwara tar ke roki rakhise. 14Ephraim pora tita khong uthaise; etu nimite tar Shashok Pitri pora tar khoon laga golti tar uporte rakhibo aru tar apman kora nimite tar ke badla dibo.