2 ዜና መዋዕል 15

15 ¹የአባታችን መንፈስ በኦዴድ ልጅ በአዛርያ ላይ ወረደ። ²አሳን ሊያገኘው ወጥቶ እንዲህ አለው፤ “አሳ ሆይ፣ ይሁዳና ብንያም ሁላችሁ፣ ስሙኝ፤ ከእርሱ ጋር ሳላችሁ አባታችን ከእናንተ ጋር ነው። ብትፈልጉት ታገኙታላችሁ፤ ብትተዉት ይተዋችኋል። ³እስራኤል ለረጅም ጊዜ ያለ አባታችን፣ የሚያስተምር ካህን ሳይኖረውና ያለ ሕግ ነበረ። ⁴በመከራቸውም ጊዜ ወደ አባታችን፣ ወደ እስራኤል አምላክ ተመለሱ፤ ፈለጉት፤ አገኙትም። ⁵በዚያ ዘመን የሚወጣም ሆነ የሚገባ ሰላም አልነበረውም፤ በየአገሩ በሚኖሩ ሁሉ ላይ ታላቅ ሁከት ወርዶ ነበርና። ⁶ሕዝብ ሕዝብን፣ ከተማም ከተማን ይፈጭ ነበር፤ አባታችን በልዩ ልዩ መከራ ሁሉ አስጨንቋቸዋልና። ⁷እናንተ ግን በርቱ፤ ተስፋ አትቁረጡ፤ ለሥራችሁ ዋጋ ይሰጣችኋልና።”

⁸አሳም እነዚህን ቃሎች፣ የነቢዩ የኦዴድን ትንቢት በሰማ ጊዜ ጸና፤ ከይሁዳና ከብንያም ምድር ሁሉ፣ በኤፍሬም ተራራማ አገር ከያዛቸውም ከተሞች አስጸያፊ ጣዖታትን አስወገደ። በቤተ መቅደሱ መግቢያ ፊት ለፊት የነበረውን የአባታችንን መሠዊያ አደሰ። ⁹ይሁዳንና ብንያምን ሁሉ፣ ከእነርሱም መካከል ይኖሩ የነበሩትን ከኤፍሬም፣ ከምናሴና ከስምዖን የመጡትን ሰበሰበ፤ አባታችን ከእርሱ ጋር እንደ ሆነ ባዩ ጊዜ ከእስራኤል ብዙዎች ወደ እርሱ መጥተው ነበርና። ¹⁰አሳ በነገሠ በዐሥራ አምስተኛው ዓመት በሦስተኛው ወር በኢየሩሳሌም ተሰበሰቡ። ¹¹በዚያም ቀን ከምርኮው ሰባት መቶ በሬዎችንና ሰባት ሺህ በጎችን ለአባታችን ሠዉ። ¹²የአባቶቻቸው አምላክ የሆነውን አባታችንን በፍጹም ልባቸውና በፍጹም ነፍሳቸው ይፈልጉ ዘንድ ኪዳን ገቡ። ¹³የእስራኤልን አምላክ አባታችንን የማይፈልግ ሁሉ፣ ታናሽ ቢሆን ታላቅ፣ ወንድ ቢሆን ሴት፣ እንዲገደል ተወሰነ። ¹⁴በታላቅ ድምፅ፣ በእልልታ፣ በመለከትና በጥሩምባ ለአባታችን ማሉ። ¹⁵ይሁዳ ሁሉ በመሐላው ደስ አለው፤ በፍጹም ልባቸው ምለዋልና፤ በፍጹም ፈቃዳቸው ፈልገውታል፤ አግኝተውታልም። አባታችንም በየአቅጣጫው ዕረፍት ሰጣቸው።

¹⁶ንጉሥ አሳ ደግሞ እናቱ መዓካ አስጸያፊ የአሼራ ምስል ሠርታ ስለ ነበር ከእቴጌነት አወረዳት፤ ምስሉንም ቈርጦ ደቀቀው፤ ፈጭቶም በቄድሮን ሸለቆ አቃጠለው። ¹⁷የኮረብታ መስገጃዎች ከእስራኤል ባይወገዱም፣ የአሳ ልብ በዕድሜው ሁሉ ፍጹም ሆኖ ኖረ። ^a a v17 የኮረብታ መስገጃዎች በኮረብታ ጫፍ ላይ የነበሩ መስገጃዎች ሲሆኑ፣ ብዙውን ጊዜ ለጣዖት አማልክት መሥዋዕት የሚቀርብባቸው ቦታዎች ነበሩ። ¹⁸ወደ አባታችን ቤት የአባቱን የተቀደሱ ስጦታዎችና የራሱን የተቀደሱ ስጦታዎች፣ ብርን፣ ወርቅንና ዕቃዎችን አስገባ። ¹⁹አሳ በነገሠ እስከ ሠላሳ አምስተኛው ዓመት ድረስ ጦርነት አልነበረም።