عَزَریا آتادان بئر سؤز گتئرئر
عَزَریا شرطلری گتئرئر: «سئز اونونلا اولدوغونوز مودّتده آتامیز دا سئزئنله‌دئر؛ اونو آختارسانیز، اونو تاپاجاقسینیز.» آسا جسارته گلئر، بوتلری تمئزلَیئر، قوربانگاهی برپا ادئر، و خالق بوتون اوره‌یی ائله عهد باغلاییر — و هر طرفدن اونلارا راحاتلیق ورئلئر.
15 1آتامیزین روحو عودِد اوغلو عَزَریانین اوستونه گلدی. 2او، آسانین پئشوازینا چیخیب اونا ددی: «منی اشئدئن، ای آسا و بوتون یهودا و بِنیامئن: سئز اونونلا اولدوغونوز مودّتده آتامیز دا سئزئنله‌دئر. اگر اونو آختاراسینیز، اونو تاپاجاقسینیز؛ اگر اونو ترک اتسه‌نئز، او دا سئزی ترک اده‌جک. 3اوزون بئر زامان ائسرایئل آتامیز اولمادان، تعلئم ورن کاهئن اولمادان و شرئعت اولمادان یاشادی. 4دارلیقلاریندا آتامیزا، ائسرایئلئن تاریسینا طرف دؤنوب اونو آختاردیلار و تاپدیلار. 5او زامانلاردا نه گدن، نه گلن کس سالامات ائدی، چونکی بؤیوک بئر قاریشیقلیق او اؤلکه‌لرده یاشایانلارین هامیسینین باشینا گلمئشدی. 6مئلّت مئلّتی، شهر شهری اَزدی، چونکی آتامیز اونلاری هر جور دارلیق ائله پرئشان اتدی. 7آمّا سئز قووّتلی اولون؛ اوره‌یئنئزی اَلدن ورمه‌یئن، چونکی ائشئنئزئن عوضی ورئله‌جک.»
8آسا بو سؤزلری، عودِد پیغمبرئن نبووّتئنی اشئدنده، جسارته گلئب ائیرنج بوتلری بوتون یهودا و بِنیامئن تورپاغیندان و اِفرایئمئن داغلیق بؤلگه‌سئنده آلدیغی شهرلردن آرادان قالدیردی. او، معبدئنئن گئرئشی قاباغیندا اولان آتامیزین قوربانگاهینی برپا اتدی. 9او، بوتون یهودا و بِنیامئنی، اونلارین آراسیندا یاشایان اِفرایئم، مِنَسّه و شَمعوندان اولانلاری دا بئر یره ییغدی، چونکی ائسرایئلدن چوخلو آدام، آتامیزین اونونلا اولدوغونو گؤرنده اونا طرف کچمئشدی. 10اونلار آسانین پادشاهلیغینین اون بشئنجی ائلئنده اوچونجو آییندا اورشلئمده ییغیلدیلار. 11او گون تالان مالیندان آتامیزا قوربان کَسدئلر: یدّی یوز اؤکوز و یدّی مئن قویون. 12اونلار عهد باغلادیلار کی، آتامیزی، اجدادلارینین تاریسینی بوتون اورَکلری و بوتون جانلاری ائله آختارسینلار. 13کئچئک اولسون یا بؤیوک، کئشی اولسون یا آرواد، کئم آتامیزی، ائسرایئلئن تاریسینی آختارمازدی، اؤلدورولمَلی ائدی. 14اونلار اوجا سَسله، نعره ائله، کَره‌نای و بوینوزلارلا آتامیزا آند ائچدئلر. 15بوتون یهودا بو آنددان اؤتری سِوئندی، چونکی اونلار بوتون اورَکلری ائله آند ائچدئلر و بوتون ائسته‌کلری ائله اونو آختاریب تاپدیلار. آتامیز دا اونلارا هر طرفدن راحاتلیق وردی.
16آسا پادشاه اؤز آناسی مَعَکه‌نی ملکه مقامیندان گؤتوردو، چونکی او، اَشِرا اوچون ائیرنج بئر صورت یاراتمیشدی؛ آسا بو صورتی کَسئب اَزدی، توز اِدئب قئدرون دره‌سئنده یاندیردی. 17گرچی پرستئشگاهلار ائسرایئلدن آرادان قالدیریلمادی، لاکئن آسانین اوره‌یی بوتون عؤمرو بویو کامئل بئر شکئلده باغلی قالدی. a a v17 پرستئشگاهلار تپه باشیندا اولان عئبادتگاهلار ائدی کی، اورادا، چوخ واخت بوت آللاهلارینا قوربان تقدئم اولوناردی. 18او، آتاسینین وقف اتدئیی هدئیّه‌لری و اؤزونون وقف اتدئیی هدئیّه‌لری، یعنی گوموشو، قیزیلی و قابلاری آتامیزین معبدئنه گتئردی. 19آسانین پادشاهلیغینین اوتوز بشئنجی ائلئنه قدر موحارئبه اولمادی.
