2ይ ቆሮንቶስ 2 FHB Father's Heart Bible™

2 ¹ስለዙይ ካልኣይ ጊዜ ብሓዘን ናባኻትኩም ከይበፅሕ፥ ኣብ ልበይ ወሰንኩ። ²ኣነ እንተ ኣጕሃይኩኹም ደኣ፥ ብዘይ እቲ ኣነ ዘጕሃኽዎ፥ ዘሕጕሰኒ መን ተሪፉ? ³ነዙይ ዝፀሓፍኩ ኸዓ፥ ምስ መፃእኩ እቶም ከሕጕሱኒ ዝግብኦም ምእንቲ ኸየጕህዩኒ እየ፤ ሓጐሰይ ሓጐስ ኵላትኩም ምዃኑ፥ ብዛዕባ ኵላትኩም ተኣሚነ ኣለኹ። ⁴ካብ ብርቱዕ ጭንቅን ስቓይ ልብን ተልዒለ፥ ብብዙሕ ንብዓት ፀሓፍኩልኩም፤ ከጕህየኩም ዘይኮንኩስ፥ እታ ንኣኻትኩም ዘላትኒ ዝበዝሐ ፍቕሪ ምእንቲ ኸርእየኩም ደኣ እምበር።

⁵ሓደ ሰብ ሓዘን ኣምፂኡ እንተ ኾይኑ ግና፥ ንኣይ ኣይኮነን ኣጕሃየኒ፥ ብገለ መጠን ደኣ ንኵላትኩም እምበር፤ ኣብ ልዕሊኡ ብዙሕ ከኽብደሉ ኣይደልን እየ።

ይቕረ በሉሉ መሊስኩምውን ኣፅንዕዎ

⁶ንኸምዙይ ዝበለ ሰብ፥ እዝ ብብዙሓት ዝተገብረ መቕፃዕቲ ይኣኽሎ እዩ። ⁷ሕዚ ግና ብኣንፃሩ ይቕረ ኽትብሉሉን ከተፅናንዕዎን ይግባእ፤ እንተ ዘይኮነ ብመጠን ዘይብሉ ሓዘን ከይውሕጦ። ⁸ስለዙይ ፍቕርኹም ንእኡ መሊስኩም ከተፅንዕዎ እምሕፀነኩም ኣለኹ። ⁹ነዙይ ዝፀሓፍኩ ኸዓ፥ ክፍትነኩምን ብዅሉ እዙዛት ምዃንኩም ክፈልጥን ኢለ እየ። ¹⁰ንስኻትኩም ይቕረ ንእትብሉሉ ዅሉ፥ ኣነውን ይቕረ እብለሉ እየ። እቲ ይቕረ ዝበልክዎ ገለ እንተሎ ኸዓ፥ ምእንታኹም ኢለ ኣብ ቅድሚ ክርስቶስ ይቕረ በልኩ፥ ¹¹ሰይጣን ምእንቲ ኸየታልለና፤ ተንኰሉ ኣይንስሕቶን ኢና እሞ።

¹²ናይ ክርስቶስ ወንጌል ክሰብኽ ናብ ጥሮኣስ ምስ መፃእኩ፥ ብጐይታ ደገ ተኸፈተለይ፥ ¹³መንፈሰይ ግና ዕረፍቲ ኣይረኸበን፤ ንቲቶ ሓወይ ኣብኡ ስለ ዘይረኸብክዎ። ስለዙይ ተሰናቢተዮም ናብ መቄዶንያ ኸድኩ።

¹⁴ነቲ ብክርስቶስ ኵልሻዕ ብዓወት ዝመርሐናን፥ ብኣና ኣቢሉ ኸዓ መኣዛ ፍልጠቱ ኣብ ኵሉ ቦታ ዝዝርግሐን ኣቦና ግና ምስጋና ይኹን። ^a a v14 ናይ ዓወት ሰልፊ፥ ሓደ ዝሰዓረ ሓለቓ ሰራዊት ንምሩኻቱ እናመርሐ፥ ኣብ መንገዱ ጥዑም ዝጨናኡ ዕጣን እናዐጠነ ዝግበር ሮማዊ በዓል ዓወት እዩ ነይሩ — ጳውሎስ ንኣቦና ኣብ ዓወት ክርስቶስ ንህዝቡ እናመርሐ ይስእሎ ኣሎ። ¹⁵ንሕና ኣብ መንጎ እቶም ዝድሕኑን እቶም ዝጠፍኡን፥ ናይ ክርስቶስ መኣዛ ንኣቦና ኢና እሞ፥ ¹⁶ነቶም ሓደ፥ ካብ ሞት ናብ ሞት ዝኸውን መኣዛ፤ ነቶም ካልኦት ከዓ፥ ካብ ህይወት ናብ ህይወት ዝኸውን መኣዛ ኢና። ነዙይከ መን እዩ ዝኣኽሎ? ¹⁷ንሕና ኸምቶም ብዙሓት፥ ቃል ኣቦና ዝሸጡ ኣይኮንናን፤ ብቕንዕና ደኣ፥ ካብ ኣቦና ኸም ዝተልኣኽና ኣብ ቅድሚኡ ብክርስቶስ ንዛረብ እምበር።