Mi eng' bukuit

1 Petero 4 FHB Father's Heart Bible™

Kiistoi 15% eng' kiy ne iale korook →
Bukuit

Kechobkei agobo Mageetap Kwanda

Kong'wony choronik che chee ye ma kagwerye icheek kogeny, ak kole Petero oribe nooto. Koleenji oatoik kobargei mindilil ne tiliil, kotaache ko'gei ma kagoyai kang'unyng'unyet, ak koboisyee kogoochinet age tugul ne kagosich. Yoomsetap maat ko ma ng'orik — naam kirwooget eng' kootap Kwandanyo ineegei.

Sura 4.

Nooto anyun, amu ki nyalil Kristo eng' poorto, ochopkei agine okweek eng' mindilil ne uu nooto: amu age tugul ne nyalili eng' poorto ko kagogesta ak tengekto. Si mata ogesu kasarta ng'wong' ne kong'etune eng' poorto agobo mageetap piik, ago agobo mageetap Kwandanyo. Kagogesta sait ne osit oyaei ne machei icheek che ma ngen Kwanda: omenye eng' kong'eetutigap poorto, eng' mageet ne lalei, eng' keiywek, eng' partoi che ya, eng' eiywogik, ak eng' yaetap kamuktaik ne ma kinai ng'atuutik. Koyoomsoi icheek amu mata olabat kobooto icheek eng' maraneet ne uu nooto ne po menyeet ne ya, nooto anyun ko churook. Ago tuun wolji icheek ineendet ne kagochobgei korwookyi che sobei ak che kagobek. Nooto anyun si ki amjin logoiywek che myach agot che kagobek nguno: kerwookyi eng' poorto ko uu piik tugul, ago kosap eng' sabei ko uu Kwandanyo.

Kagoneegit letap tuguuk tugul. Nooto anyun obargei mindilil ne tiliil ak oriibegei si omuuchi osaa. Eng' tuguuk tugul, otesage ochamyegei miising', amu tuchei chamyet tengekwek che chaang'. Otaache ko'gei amoyai kang'unyng'unyet. Chii tugul kwenung'wong', oboisyee kogoochinet ne kagosich si otisyei alak, ko uu riibiik che myach che po myeeindap Kwandanyo ne terterchin. Age tugul ne ng'alaali komwae ko uu chiito ne ibooru ng'aleegap Kwandanyo iman. Age tugul ne otisyei kootin eng' kimnateet ne koonu ineendet, si eng' tuguuk tugul kegonyit ineendet eng' Jeso Kristo. Po ineendet toroornatet ak kimnateet agoi koigeny ak koigeny. Amen.

Nyalilda eng' Kainetap Kwanda

Choronok che achame, meyoomsoi agobo yoomseet ne po maat ne tyemei okweek, ko uu ngot kiy age ne ter ne nyoorwok. Ago oboiboi ko uu ole obootoei nyalildap Kristo, si oboiboitu agine eng' poiboiyet ne oo ye king'aang'ji toroornatennyi. Ngo churook agobo kainetap Kristo, oberuuraat, amu tebee Kabuusetap toroornatet ak ne po Kwandanyo okweek. Amat komi chii age kwenung'wong' ne nyalili ko uu rumiindet, anan choorindet, anan ne pistoe ng'atuutik, anan ne chutei tuguugap alak. Ago ngo nyalili chii ko uu Kristiaanindet, melilan, ago ilasu Kwandanyo amu itinye kainooto. Amu kagoit sait ne kotaune kirwooget eng' kootap Kwandanyo; ngot kotaune kobootech, kele ne nyolu che ma mach kogas logoiywek che myach che po Kwandanyo? Ak, “Ngot kesar chii ne po iman eng' nyalilda, kele ne nyolu ne ya ak kiptengekyot?” Nooto anyun, icheek che nyalili eng' mageetap Kwandanyo, kogonor saboonwekwak Yaindennywa ne po iman, koyaei ne myee.