Bou Maangangbü shanga Lamlean Kibü

Haoen yoa touje alaangjungbüei younakshang jaibü shuong maang tepang, hoba Peterei kho ngeashi dogo lauda. Haoei lea abou shuong to maangsangko kishi, nyamnyambü aleko sungletko kishi, hoba haoen yoa kibü jongsak lubü shuong khangenla lenda. Wandambü thonbü nyangko kibü lembü aying—matjem seneibü Bou lolo chemdang ka khangda.

Chapter 4.

Kheijinei, Khrista phea khonkubü aishanga, kankei jeteibü maangpon yoa lamlean kishi; aoyouei phea khonkualonga hao shabü danko khümbo meikei. Kheijinei touje kanei kaneibü phea joubü salang müteibü dühbü shanga aleko, lausikei seneibü Bou maangangbü shanga langlabü. Kanei Bou angebü shuongei kümmang sühbü kho kümla salang souan leakei: sensimaang, dühbü, ih alebü, olinyobü, ih yungbü, hoba küksithang heangsho lembü danko langbü. Kanei haoen yoa jeteibü amaibü langkei yungsen to touje alaangjungbüei haoen maang tepang, khoei haoenei kan nyikuda. Lausikei haoenei langbü shuong hoba haibü shuong matjemla lamlean kibou to jongailabü. Khoei touje haibü shuong lakei Ngühlang Maibü songlenkei: müt pendou tegü phea matjembü kialonga, lausikei seneibü Bou tegü soushoua langkei kienlabü.

Peisilei pendou thonbü nyangko kia. Khoei kanei welaula shanga maangsangko hoba jembü lombo kishi. Peisilei pendou khü, kan che che aeibou sanou lauko kishi, aishanga sanouei shabü juongnyu khuilepda. Nyamnyambü aleko kan che che sungletko kishi. Kan mütpem wekoei sungletbü jongsak lubü shuong khangenla jungashi, seneibü Bou lajuche onou maangsangko maibü shuong tegü. Aoyouei joyolaje, seneibü Bou ngüh tegütham lenbou tegü lenashi. Aoyouei khangenlaje, haoei kubü hau danko khangenashi; khei peisilei pendoua Jisu Khrista danko hao soneikangtilabü. Soneikangbü hoba hau hao la ponpen thon akiko kishi. Amen.

Bou Nyena Khonkubü

Ngeibü sanoubü shuong, kan takteila loubü waneibü khonku to, kan la ai shedbü denche longbü dogo, maang tepang. Aeiko, kanei Khrista khonkua thuiyojanyobü tegütham olinashi, khei haoeibü soneikangbü tang khitla kijinei kankei olinbü ka olinyolabü. Khrista nyena kan nyikualonga, kan olinbou, aishanga soneikangbü hoba seneibü Bou Soushou kan thüka kia. Kan yoa aoeikei müt haitibou, kokbou, shedbü kümbou, ayingsi lubü shuongeibü denche semjeinbou tegü khonkujan. Lausikei Khristabou tegü khonkualonga, ashaujan, lausikei kho nyen künbü shanga seneibü Bou nyen sangashi. Aishanga matjembü kho seneibü Bou chung ka khangla jih kia; kho sen ka khangla kialonga, seneibü Bou Ngühlang Maibü ngüha alebü shuong to ai awailetda? Hoba, “Saopobü müt maisho khümenalonga, Mühghaü angebü hoba shabü müt to ai kilabü?” Kheijinei, seneibü Bou maangangbüei khonkubü shuongei, maibü kümko, haoeneibü soushou ikjai Kümbou la khümbo kuashi.