Baba Wathu Ndi Wadidi

Nyimbo ya Asafi.

Asafi pang'ono asaterereka thangwi ya kuyerera anyakudzikuza, anyakukwanisa akukhala na ungumi. Pyonsene pidakhonda kumveka mpaka idapita iye mu mbuto yakucena mbaona kunamaliziria iwo. Iye asabvuma kuti akhali ninga ciboko, mbagumana kuti iye akhali kale na cinafuna iye: manja a Baba wace akuphatisira manja ace.

Kapitulu 73.

Ndimo mwene, Baba wathu ndi wadidi kuna Izarayeli, kuna ale ali na ntima wakucena.

Mbwenye ine, miyendo yanga yakhafuna kugwegweduka; matcini anga akhafuna kuserera. Thangwi ndakhacita bibvu na anyakudzikuza, pidaona ine kupfuma kwa anyakuipa. Thangwi iwo nkhabe kubva kupha pa kufa kwawo; manungo awo ndi akuwanga na akunenepa. Iwo nkhabe kuthabuka ninga anango; nkhabe kumenywa ninga anthu onsene anango. Na tenepo kudzikuza ndi mikufu yawo; upandu usaabvazika ninga nguwo. Maso awo asatutumuka na kunenepa; manyerezero a mitima yawo nkhabe na malire. Iwo asaseka mbalonga mwakuipa; na padzulu asagopswesa anthu toera kuaponda. Asafungula milomo yawo kutcinga kudzulu, na lirimi yawo isafamba-famba pa dziko yonsene. Na tenepo mbumba yace isabwerera kuna iwo, mbamwa madzi mazinji. Iwo asalonga kuti: “Mulungu asadziwa tani? Kodi kuna cidziwiso kuna Wankulu Kakamwe?” Onani—awa ndi anyakuipa; ndzidzi onsene ali mwambvekote, mbathimizirika mu mpfuma.

Mwandimomwene ndasunga ntima wanga wakucena pa papezi, mbandisamba manja anga mwakusowa mulando. Thangwi ntsiku yonsene ndakhamenywa, mbandisandikwa macibese onsene.

Ndingadalonga kuti: “Ndinalonga tenepa,” mbandadasandukira ubalwa wa anana anu. Pidayesera ine kubvesesa pyonsene pyenepi, pikhali basa yakuneta pa maso anga, mpaka pidapita ine n'nyumba yakucena ya Baba wathu; penepo ndabvesesa kumala kwawo. Ndimo mwene imwe musaaika pa mbuto zakuserera; musaagwisa toera kufudzwa. Iwo asafudzwa mwakucimbiza, mbamalisirwa kwene-kwene na pyakugopsa! Ninga maloto angalamuka munthu, Imwe Baba Mbuya, imwe mungalamuka, munadzaapwaza ninga pizimu.

Pidaipirwa ntima wanga, mbandibayika mukati mwanga, Ndikhali wakusowa ndzeru na wakukhonda dziwa; ndikhali ninga cinyama pamaso panu. Mbwenye, ine ndiri na imwe ndzidzi onsene; imwe musaphata djanja yanga yamadyo. Imwe musanditsogolera na uphungu wanu, buluka penepo munadzanditambira mu mbiri. Mbani anango ndiri naye kudzulu kusiyapo imwe? Pontho nkhabe cinthu pa dziko cinandisirira kusiyapo imwe. Manungo anga na ntima wanga pinakwanisa kumala, mbwenye Baba wathu ndi mphambvu ya ntima wanga na magawo anga kwenda na kwenda.

Thangwi ale ali kutali na imwe anadzafa; imwe musamalisa onsene ale nkhabe kukhulupirika kuna imwe. Mbwenye kuna ine, ndi pyadidi kukhala cifupi na Baba wathu; ndacita Baba Mbuya kukhala pakuthawira panga, toera ndikwanise kulonga mabasa anu onsene.