Ndasandukirwa na Ndzanga Mwene
Kuna nyakutsogolera nyimbo: na pyakuimbira pya ntambo. Salmo ya udziwi ya Dhavidhi.
Mantha na kututumira; nyakulemba masalmo asirira mapapiro a njiwa toera kuthawira ku thando. Kupweteka kukulu si cimbalangondo cadzala mu nzinda, mbwenye ndi wakulingana naye, xamwali wapafupi adafamba naye ku nyumba ya Baba wathu, mbaphwanya kukhulupirika.
55 1Bveserani phembero yanga, Baba wanga, lekani kubisala pa kudembetera kwanga kwa ntsisi. 2Ndibverani mbamunditawira; ndiri wakutsukwala mu kudandaula kwanga, mbandibuula, 3thangwi ya fala ya nyamalwa, thangwi ya kuthabusa kwa anyakuipa. Thangwi iwo asandigwisira nyatwa, pa ine, mu ukali iwo asandiida. 4Ntima wanga usapha kakamwe mukati mwanga; pyakugopsa pya kufa pyandigwera. 5Kugopa na kudzudzumira pyandigwera, kugopswa kukulu kwandikunda. 6Na tenepo ndalonga kuti: “Mbwadi ndidakhala na maphapiro ninga ya njiwa! Mbidabhururuka mbidaenda kutali, mbidapuma.
7Inde, mbidayendayenda kutali; mbidagonera n'thando. a a v7 Selah: fala ya nyimbo peno ya kulambira yakukhonda dziwika mwadidi mabveka mwace, panango ndi kupuma toera kunyerezera peno kupuma kwa nyimbo pakati. 8Mbidathamangira ku mbuto yanga yakubisalira, kutali na mphepo yamphambvu na condzi.” 9Nyonganyani iwo, Baba Nyakutonga; gawani malongero awo, thangwi ndisaona uphanga na ndewu n'nzinda. 10Masikati na masiku iwo asazungulira mpanda wace; kuipa na nyatwa piri mukati mwace. 11Kuonongeka kuri pakati pace; kuthabusa na uthambi nkhabe kubuluka m'miseu yace. 12Thangwi nee ndi nyamalwa anandinyoza—pyenepi mbidakwanisa kupirira; nee ndi ule anandiida adadzikuza pa ine—kutali na iye mbidakwanisa kubisalira. 13Mbwenye ndiwe, munthu ninga ine, ndzanga na n'xamwali wanga wapantima. 14Ife adacita uxamwali wakukoma pabodzi, adafamba pabodzi na mwinji ku nyumba ya Baba wathu. 15Kufa kuagwere; mbatcitire m'manda mbali maso, thangwi kuipa kuli m'mbuto zawo zakukhala, pakati pawo pene. 16Mbwenye ine ndisacemera Baba wanga, Baba wanga anandipulumusa. 17Namaulo na namacibese na pakati pa ntsiku ndisalira mbandibuula, Iye asabva fala yanga. 18Iye awombola umaso wanga mu ntendere kubuluka ku nkhondo idamenyewa kuna ine, maseze azinji akhali kundiwukira.
19Baba wathu anabva mbaacepesa—Iye anakhala pa mpando wa umambo kubulukira mu midzidzi yakale. Thangwi iwo nkhabe kucinja, iwo nkhabe kugopa Baba wathu. 20Nyakusandukira akweza manja ace kuthukira ale akhali na ntendere na iye; iye aswa cibverano cace. 21Malongero ace akhali akufewa kupiringana manteka, mbwenye nkhondo ikhali muntima mwace; mafala ace akhali akufewa kupiringana mafuta, mbwenye akhali masupada akusolorwa. 22Ponyera ntolo wako kuna Baba wathu, Iye anakuwangisa; Iye nkhabe kutawirisa nyakulungama kugwedezeka. 23Mbwenye Imwe, Baba wanga, munaagwisa pantsi ku dindi ya kuonongeka; amuna anyakupha na anyakunyengeza nkhabe kukhala maso ata hafu ya ntsiku zawo. Mbwenye ine ndinanyindira Imwe.
