Masalmo 105 FHB Father's Heart Bible™

105 ¹Perekani takhuta kuna Baba wathu; cemerani dzina yace; dziwisani mabasa ace pakati pa mitundu ya anthu. ²Imbirani Iye, mun'simbe mwa nyimbo; longani mabasa ace onsene akudzumisa. ³Dzikuzani mu dzina yace yakucena; mitima ya ale anasaka Baba wathu ikomerwe. ⁴Sakani Baba wathu na mphambvu zace; sakani nkhope yace n'dzidzi onsene.

⁵Kumbukani pyakudzumisa pidacita Iye, pirengo pyace, na matongero adapereka Iye, ⁶imwe ana a Abrahamu ntumiki wace, imwe ana a Yakobe, akusankhulwa ace. ⁷Iye ndi Baba wathu; matongero ace asadzala pa dziko yonsene yapantsi.

⁸Iye asakumbuka cibverano cace kwa muyaya, fala idalonga Iye kwa mibadwo cikwi cibodzi, ⁹cibverano cidacita Iye na Abrahamu, cidumbiro cidadumbira Iye kuna Izaki, ¹⁰cidalimbisa Iye kuna Yakobe ninga mwambo, kuna Izarayeli ninga cibverano cakukhonda kumala,

¹¹mbalonga tenepa: “Ndinakupasani dziko ya Kanani ninga unthaka wanu.”

¹²Pikhali iwo akucepa, anthu pang'ono basi, na alendo mwenemo, ¹³mbayendayenda kubulukira ku mtundu unango ¹⁴Iye nee atawirisa munthu toera kuponda

¹⁵“Lekani kukhuya akudzodzwa anga; lekani kucitira aprofeta anga pyakuipa.”

¹⁶Iye abweresa njala pa dziko, mbamalisa cakudya cawo consene. ¹⁷Iye akhadatuma mamuna patsogolo pawo—Zuze, adagulisiwa ninga bitcu. ¹⁸Iwo apswanya miyendo yace na maketani; nkhosi yace aimanga na nyololo za utale, ¹⁹mpaka n'dzidzi udakwana fala yace, mpaka fala ya Baba wathu idampangiza kuti ndi wandimomwene. ²⁰Mambo atuma anthu toera kuncemera, mbansudzula ²¹Mambo ankhazika Zuze toera akhale mbuya wa nyumba yace, ntongi wa pinthu pyace pyonsene, ²²toera Zuze akwanise kupfundzisa ana a mambo ninga mukhafunira iye, mbapfundzisa akulu udziwi.

²³Na tenepo, Izarayeli afika ku Edjitu; Yakobe akhala ninga mlendo mu dziko ya Hamu. ^a a v23 ‘Dziko ya Hamu’ ndi dzina yakale ya ndakatulo ya Edjitu (isaphatisirwambo mu vesi 27). ²⁴Na tenepo, Baba wathu acitisa mbumba yace kuthimizirika kakamwe, mbaacitisa kukhala na mphambvu kupita anyamalwa awo. ²⁵Iye acinja mitima yawo toera kuwenga mbumba yace, toera kucitira anyabasa ace masenseka.

²⁶Iye atuma Mose ntumiki wace, na Aroni ule adansankhula Iye. ²⁷Iwo acita pidzindikiro pyace pakati ²⁸Iye atumiza cidima mbacitisa dziko kudzala cidima, penio Mose na Aroni nee acita khondo na mafala ace. ²⁹Iye acinja madzi awo kukhala ciropa, mbapha ntsomba zawo. ³⁰Dziko yawo yadzala na macele, ngakhala m'makamara akugona a amambo awo. ³¹Iye alonga, penepo kwabwera magulu ³²Iye aapasa matalala m'mbuto mwa mvula, na moto wakugaka mu dziko yawo yonsene. ³³Iye agwanda miti yawo ya mauva na ya makuyu, mbafwanya miti ya dziko yawo. ³⁴Iye alonga, penepo kwabwera madzombe, ³⁵penepo adya miti yonsene ya mu dziko yawo, mbadya pisapo pyonsene pya minda yawo. ³⁶Penepo Iye apha ana onsene akutoma kubalwa mu dziko yawo, pisapo pyakutoma pya mphambvu yawo yonsene.

³⁷Penepo Iye abulusa Izarayeli na parata na ouru, nkhabe m'bodzi wa madzinza ace adapunduka. ³⁸Edjitu akomerwa pidabuluka iwo, thangwi kugopa iwo kukhadagwera pa Edjitu. ³⁹Iye afunyika khole ninga cakuphimbira, na moto toera kupereka ceza namasiku. ⁴⁰Iwo aphemba, penepo Iye abweresa nkhwali, mbaakhutisa na nkate wa kudzulu. ⁴¹Iye afungula mwala, penepo madzi mazinji abuluka; aenda m'gwenga ninga nkulo.

⁴²Thangwi Iye akumbuka pikiro yace yakucena ⁴³Na tenepo Iye abulusa mbumba yace mwakukomerwa, akusankhulwa ace mwakuimba nyimbo. ⁴⁴Iye aapasa madziko a mitundu ya anthu, penepo apokola pidaphatira basa mitundu inango, ⁴⁵toera iwo akoye mitemo yace, mbabvera miyambo yace. Aleluya!