ଗିଲୀୟଦ: ପଶୁପଲ ନିମନ୍ତେ ଉତ୍ତମ ଦେଶ

ରୁବେନ ଓ ଗାଦ ଯର୍ଦ୍ଦନର ପୂର୍ବ ପାର୍ଶ୍ୱର ଉତ୍ତମ ଚାରଣଭୂମି ଚାହାନ୍ତି, ଏବଂ ମୋଶା ସେଥିରେ ପୁଣି ଥରେ ସେମାନଙ୍କ ପିତୃପୁରୁଷମାନଙ୍କ ସେହି ଅସ୍ୱୀକାର ଶୁଣନ୍ତି — ଆମ ପିତା ଦେଇଥିବା ଦେଶରେ ପ୍ରବେଶ ନକରିବା। ସେମାନେ ସଶସ୍ତ୍ର ହୋଇ ପାର ହେବାକୁ ଏବଂ ଦେଶ ବଶୀଭୂତ ନହେବା ପର୍ଯ୍ୟନ୍ତ ନିଜ ଭାଇମାନଙ୍କ ଆଗରେ ଯୁଦ୍ଧ କରିବାକୁ ରାଜି ହୁଅନ୍ତି, ଏବଂ କେବଳ ତାʼପରେ ଘରକୁ ଫେରିବେ।

ଅଧ୍ୟାୟ 32।

ରୁବେନ୍‌ର ସନ୍ତାନଗଣ ଓ ଗାଦ୍‌ର ସନ୍ତାନଗଣଙ୍କର ଅପାର ପଶୁପଲ ଥିଲା। ସେମାନେ ଯାସେର ଦେଶ ଓ ଗିଲୀୟଦ ଦେଶ ଦେଖି, ତାହା ପଶୁପଲ ନିମନ୍ତେ ଉପଯୁକ୍ତ ବୋଲି ଲକ୍ଷ୍ୟ କଲେ। ତେଣୁ ଗାଦ୍‌ର ସନ୍ତାନଗଣ ଓ ରୁବେନ୍‌ର ସନ୍ତାନଗଣ ଆସି ମୋଶା, ଇଲୀୟାସର ଯାଜକ ଓ ମଣ୍ଡଳୀର ଅଧିପତିମାନଙ୍କୁ କହିଲେ, “ଅଟାରୋତ୍‌, ଦୀବୋନ୍‌, ଯାସେର, ନିମ୍ରା, ହିଷ୍‌ବୋନ୍‌, ଇଲୀୟାଲୀ, ସବାମ୍‌, ନବୋ ଓ ବୀୟୋନ୍‌, ଯେଉଁ ଦେଶ ଆମ୍ଭମାନଙ୍କ ପିତା ଇସ୍ରାଏଲର ମଣ୍ଡଳୀ ସମ୍ମୁଖରେ ପରାସ୍ତ କଲେ, ତାହା ପଶୁପଲ ନିମନ୍ତେ ଉପଯୁକ୍ତ ଦେଶ ଅଟେ, ପୁଣି ଆପଣଙ୍କ ଦାସମାନଙ୍କର ପଶୁପଲ ଅଛି।” ସେମାନେ ଆହୁରି କହିଲେ, “ଯଦି ଆପଣଙ୍କ ଦୃଷ୍ଟିରେ ଆମ୍ଭେମାନେ ଅନୁଗ୍ରହ ପାଇଅଛୁ, ତେବେ ଏହି ଦେଶ ଆପଣଙ୍କ ଦାସମାନଙ୍କୁ ଅଧିକାର ନିମନ୍ତେ ଦିଅନ୍ତୁ; ଆମ୍ଭମାନଙ୍କୁ ଯର୍ଦ୍ଦନ ପାର କରାନ୍ତୁ ନାହିଁ।”

ତହୁଁ ମୋଶା ଗାଦ୍‌ର ସନ୍ତାନଗଣ ଓ ରୁବେନ୍‌ର ସନ୍ତାନଗଣଙ୍କୁ କହିଲେ, “ତୁମ୍ଭମାନଙ୍କ ଭ୍ରାତୃଗଣ କʼଣ ଯୁଦ୍ଧକୁ ଯିବେ, ଆଉ ତୁମ୍ଭେମାନେ ଏଠାରେ ବସିଥିବ? ଆମ୍ଭମାନଙ୍କ ପିତା ଇସ୍ରାଏଲକୁ ଯେଉଁ ଦେଶ ଦେଇଅଛନ୍ତି, ସେଠାକୁ ପାର ହୋଇ ଯିବାରୁ ତୁମ୍ଭେମାନେ କାହିଁକି ସେମାନଙ୍କ ମନ ଭାଙ୍ଗୁଅଛ? ମୁଁ ଯେତେବେଳେ ତୁମ୍ଭମାନଙ୍କ ପିତୃପୁରୁଷମାନଙ୍କୁ ସେହି ଦେଶ ଦେଖିବା ନିମନ୍ତେ କାଦେଶ-ବର୍ଣ୍ଣେୟରୁ ପଠାଇଲି, ସେତେବେଳେ ସେମାନେ ଏହିପରି କରିଥିଲେ। ସେମାନେ ଇଷ୍କୋଲ୍‌ ଉପତ୍ୟକା ପର୍ଯ୍ୟନ୍ତ ଯାଇ ସେହି ଦେଶ ଦେଖି, ଆମ୍ଭମାନଙ୍କ ପିତା ଇସ୍ରାଏଲ-ସନ୍ତାନଗଣଙ୍କୁ ଯେଉଁ ଦେଶ ଦେଇଥିଲେ, ସେଠାକୁ ପ୍ରବେଶ କରିବାରୁ ସେମାନଙ୍କ ମନ ଭାଙ୍ଗିଲେ। ଆଉ ସେହି ଦିନ ଆମ୍ଭମାନଙ୍କ ପିତାଙ୍କ କ୍ରୋଧ ପ୍ରଜ୍ଵଳିତ ହେଲା, ପୁଣି ସେ ଶପଥ କରି କହିଲେ, ‘ଅବ୍ରହାମ, ଇସ୍‌ହାକ ଓ ଯାକୁବଙ୍କୁ ଦେବା ନିମନ୍ତେ ଆମ୍ଭେ ଯେଉଁ ଦେଶ ବିଷୟରେ ଶପଥ କଲୁ, ମିସରରୁ ଆସିଥିବା ବିଂଶ ବର୍ଷ ଓ ତତୋଧିକ ବୟସ୍କ ଲୋକମାନଙ୍କ ମଧ୍ୟରୁ କେହି ତାହା ନିଶ୍ଚୟ ଦେଖିବେ ନାହିଁ, କାରଣ ସେମାନେ ସମ୍ପୂର୍ଣ୍ଣ ରୂପେ ଆମ୍ଭର ଅନୁଗମନ କଲେ ନାହିଁ; କେବଳ କନିସୀୟ ଯିଫୁନ୍ନିର ପୁତ୍ର କାଲେବ ଓ ନୂନର ପୁତ୍ର ଯିହୋଶୂୟ ବ୍ୟତୀତ, କାରଣ ସେମାନେ ସମ୍ପୂର୍ଣ୍ଣ ରୂପେ ଆମ୍ଭମାନଙ୍କ ପିତାଙ୍କ ଅନୁଗମନ କଲେ।’ ଆମ୍ଭମାନଙ୍କ ପିତାଙ୍କ କ୍ରୋଧ ଇସ୍ରାଏଲ ବିରୁଦ୍ଧରେ ପ୍ରଜ୍ଵଳିତ ହେଲା, ପୁଣି ଆମ୍ଭମାନଙ୍କ ପିତାଙ୍କ ଦୃଷ୍ଟିରେ କୁକର୍ମକାରୀ ସମଗ୍ର ବଂଶ ବିନଷ୍ଟ ନ ହେବା ପର୍ଯ୍ୟନ୍ତ ସେ ସେମାନଙ୍କୁ ଚାଳିଶ ବର୍ଷ ପ୍ରାନ୍ତରରେ ଭ୍ରମଣ କରାଇଲେ।

ଆଉ ଦେଖ, ଇସ୍ରାଏଲ ବିରୁଦ୍ଧରେ ଆମ୍ଭମାନଙ୍କ ପିତାଙ୍କ ପ୍ରଚଣ୍ଡ କ୍ରୋଧ ଆହୁରି ବୃଦ୍ଧି କରିବା ପାଇଁ ତୁମ୍ଭେମାନେ ଆପଣା ପିତୃପୁରୁଷମାନଙ୍କ ସ୍ଥାନରେ ପାପୀମାନଙ୍କ ବଂଶ ହୋଇ ଉଠିଅଛ! ଯଦି ତୁମ୍ଭେମାନେ ତାହାଙ୍କ ଅନୁଗମନରୁ ବିମୁଖ ହୁଅ, ତେବେ ସେ ପୁନର୍ବାର ସେମାନଙ୍କୁ ପ୍ରାନ୍ତରରେ ପରିତ୍ୟାଗ କରିବେ, ଆଉ ତୁମ୍ଭେମାନେ ଏହି ସମସ୍ତ ଲୋକଙ୍କୁ ବିନାଶ କରିବ।”

ତହୁଁ ସେମାନେ ତାହାଙ୍କ ନିକଟକୁ ଆସି କହିଲେ, “ଆମ୍ଭେମାନେ ଏଠାରେ ଆପଣା ପଶୁପଲ ନିମନ୍ତେ ଖୁଆଡ଼ ଓ ଆପଣା ବାଳକମାନଙ୍କ ନିମନ୍ତେ ନଗର ନିର୍ମାଣ କରିବୁ। ମାତ୍ର ଆମ୍ଭେମାନେ ଇସ୍ରାଏଲ-ସନ୍ତାନଗଣଙ୍କୁ ସେମାନଙ୍କ ସ୍ଥାନକୁ ନ ଆଣିବା ପର୍ଯ୍ୟନ୍ତ ଅସ୍ତ୍ରଧାରଣ କରି ସେମାନଙ୍କ ଆଗେ ଆଗେ ଯିବା ନିମନ୍ତେ ପ୍ରସ୍ତୁତ ରହିବୁ, ଆଉ ଏହି ଦେଶନିବାସୀମାନଙ୍କଠାରୁ ସୁରକ୍ଷିତ ହୋଇ ଆମ୍ଭମାନଙ୍କ ବାଳକମାନେ ପ୍ରାଚୀରବେଷ୍ଟିତ ନଗରରେ ବାସ କରିବେ। ପ୍ରତ୍ୟେକ ଇସ୍ରାଏଲ-ସନ୍ତାନ ଆପଣା ଅଧିକାର ପ୍ରାପ୍ତ ନ ହେବା ପର୍ଯ୍ୟନ୍ତ ଆମ୍ଭେମାନେ ଆପଣା ଗୃହକୁ ଫେରିବୁ ନାହିଁ। କାରଣ ଯର୍ଦ୍ଦନର ପୂର୍ବ ପାର୍ଶ୍ଵରେ ଆମ୍ଭମାନଙ୍କ ଅଧିକାର ପ୍ରାପ୍ତ ହୋଇଅଛି, ଏଣୁ ଆମ୍ଭେମାନେ ସେମାନଙ୍କ ସହିତ ଯର୍ଦ୍ଦନର ସେହି ପାରିରେ ଓ ତତୋଧିକ ସ୍ଥାନରେ ଅଧିକାର ପାଇବୁ ନାହିଁ।”

ତେବେ ମୋଶା ସେମାନଙ୍କୁ କହିଲେ, “ଯଦି ତୁମ୍ଭେମାନେ ଏହି କର୍ମ କର, ଯଦି ଆମ୍ଭମାନଙ୍କ ପିତାଙ୍କ ସମ୍ମୁଖରେ ଯୁଦ୍ଧ ନିମନ୍ତେ ଅସ୍ତ୍ରଧାରଣ କର, ଆଉ ଆମ୍ଭମାନଙ୍କ ପିତା ଆପଣା ସମ୍ମୁଖରୁ ଆପଣା ଶତ୍ରୁଗଣଙ୍କୁ ତଡ଼ି ନ ଦେବା ପର୍ଯ୍ୟନ୍ତ ତୁମ୍ଭମାନଙ୍କ ମଧ୍ୟରୁ ପ୍ରତ୍ୟେକ ସସଜ୍ଜ ବ୍ୟକ୍ତି ଆମ୍ଭମାନଙ୍କ ପିତାଙ୍କ ସମ୍ମୁଖରେ ଯର୍ଦ୍ଦନ ପାର ହୁଏ, ପୁଣି ଆମ୍ଭମାନଙ୍କ ପିତାଙ୍କ ସମ୍ମୁଖରେ ସେହି ଦେଶ ବଶୀଭୂତ ହୁଏ, ତେବେ ତତ୍ପରେ ତୁମ୍ଭେମାନେ ଫେରିଆସି ଆମ୍ଭମାନଙ୍କ ପିତାଙ୍କ ପ୍ରତି ଓ ଇସ୍ରାଏଲ ପ୍ରତି ନିର୍ଦ୍ଦୋଷ ହେବ, ଆଉ ଏହି ଦେଶ ଆମ୍ଭମାନଙ୍କ ପିତାଙ୍କ ସମ୍ମୁଖରେ ତୁମ୍ଭମାନଙ୍କ ଅଧିକାର ହେବ। ମାତ୍ର ଯଦି ତୁମ୍ଭେମାନେ ଏହି କର୍ମ ନ କର, ତେବେ ଦେଖ, ତୁମ୍ଭେମାନେ ଆମ୍ଭମାନଙ୍କ ପିତାଙ୍କ ବିରୁଦ୍ଧରେ ପାପ କରିଅଛ; ଆଉ ଜାଣ, ତୁମ୍ଭମାନଙ୍କ ପାପ ତୁମ୍ଭମାନଙ୍କୁ ଧରିବ। ତୁମ୍ଭେମାନେ ଆପଣା ବାଳକମାନଙ୍କ ନିମନ୍ତେ ନଗର ଓ ଆପଣା ପଶୁପଲ ନିମନ୍ତେ ଖୁଆଡ଼ ନିର୍ମାଣ କର, ପୁଣି ଆପଣା ମୁଖରୁ ଯାହା ପ୍ରତିଜ୍ଞା କରିଅଛ, ତାହା କର।”

ତହୁଁ ଗାଦ୍‌ର ସନ୍ତାନଗଣ ଓ ରୁବେନ୍‌ର ସନ୍ତାନଗଣ ମୋଶାଙ୍କୁ କହିଲେ, “ଆମ୍ଭ ପ୍ରଭୁ ଯେପରି ଆଜ୍ଞା ଦିଅନ୍ତି, ଆପଣଙ୍କ ଦାସମାନେ ସେହିପରି କରିବେ। ଆମ୍ଭମାନଙ୍କ ବାଳକ, ଭାର୍ଯ୍ୟା, ମେଷପଲ ଓ ସମସ୍ତ ପଶୁ ଗିଲୀୟଦର ନଗରସମୂହରେ ସେଠାରେ ରହିବେ, ମାତ୍ର ଆପଣଙ୍କ ଦାସମାନେ, ଅର୍ଥାତ୍‌ ଯୁଦ୍ଧ ନିମନ୍ତେ ସସଜ୍ଜ ପ୍ରତ୍ୟେକ ବ୍ୟକ୍ତି, ଆମ୍ଭ ପ୍ରଭୁ ଯେପରି କହୁଅଛନ୍ତି, ସେହିପରି ଆମ୍ଭମାନଙ୍କ ପିତାଙ୍କ ସମ୍ମୁଖରେ ଯୁଦ୍ଧ ନିମନ୍ତେ ପାର ହୋଇଯିବେ।”

ତେଣୁ ମୋଶା ସେମାନଙ୍କ ବିଷୟରେ ଇଲୀୟାସର ଯାଜକ, ନୂନର ପୁତ୍ର ଯିହୋଶୂୟ ଓ ଇସ୍ରାଏଲ ବଂଶସମୂହର ପିତୃବଂଶର ଅଧିପତିମାନଙ୍କୁ ଆଜ୍ଞା ଦେଲେ। ମୋଶା ସେମାନଙ୍କୁ କହିଲେ, “ଯଦି ଗାଦ୍‌ର ସନ୍ତାନଗଣ ଓ ରୁବେନ୍‌ର ସନ୍ତାନଗଣ, ଅର୍ଥାତ୍‌ ଆମ୍ଭମାନଙ୍କ ପିତାଙ୍କ ସମ୍ମୁଖରେ ଯୁଦ୍ଧ ନିମନ୍ତେ ସସଜ୍ଜ ପ୍ରତ୍ୟେକ ବ୍ୟକ୍ତି, ତୁମ୍ଭମାନଙ୍କ ସହିତ ଯର୍ଦ୍ଦନ ପାର ହୁଅନ୍ତି, ପୁଣି ତୁମ୍ଭମାନଙ୍କ ସମ୍ମୁଖରେ ସେହି ଦେଶ ବଶୀଭୂତ ହୁଏ, ତେବେ ତୁମ୍ଭେମାନେ ସେମାନଙ୍କୁ ଅଧିକାର ନିମନ୍ତେ ଗିଲୀୟଦ ଦେଶ ଦିଅ। ମାତ୍ର ଯଦି ସେମାନେ ସସଜ୍ଜ ହୋଇ ତୁମ୍ଭମାନଙ୍କ ସହିତ ପାର ନ ହୁଅନ୍ତି, ତେବେ ସେମାନେ ତୁମ୍ଭମାନଙ୍କ ମଧ୍ୟରେ କିଣାନ ଦେଶରେ ଅଧିକାର ପାଇବେ।”

ତହୁଁ ଗାଦ୍‌ର ସନ୍ତାନଗଣ ଓ ରୁବେନ୍‌ର ସନ୍ତାନଗଣ ଉତ୍ତର ଦେଲେ, “ଆମ୍ଭମାନଙ୍କ ପିତା ଆପଣଙ୍କ ଦାସମାନଙ୍କୁ ଯାହା କହିଅଛନ୍ତି, ଆମ୍ଭେମାନେ ସେହିପରି କରିବୁ। ଆମ୍ଭେମାନେ ଆପେ ସସଜ୍ଜ ହୋଇ ଆମ୍ଭମାନଙ୍କ ପିତାଙ୍କ ସମ୍ମୁଖରେ କିଣାନ ଦେଶକୁ ପାର ହୋଇଯିବୁ, ଆଉ ଯର୍ଦ୍ଦନର ସେହି ପାରିରେ ଆମ୍ଭମାନଙ୍କ ଅଧିକୃତ ଭୂମି ଆମ୍ଭମାନଙ୍କର ହୋଇ ରହିବ।”

ତେଣୁ ମୋଶା ସେମାନଙ୍କୁ, ଅର୍ଥାତ୍‌ ଗାଦ୍‌ର ସନ୍ତାନଗଣ, ରୁବେନ୍‌ର ସନ୍ତାନଗଣ ଓ ଯୋଷେଫର ପୁତ୍ର ମନଃଶିର ଅର୍ଦ୍ଧବଂଶଙ୍କୁ ଇମୋରୀୟ ରାଜା ସୀହୋନର ରାଜ୍ୟ ଓ ବାଶନର ରାଜା ଓଗ୍‌ର ରାଜ୍ୟ, ଅର୍ଥାତ୍‌ ସେହି ଦେଶ, ତହିଁର ନଗରସମୂହ, ତହିଁର ସୀମାନ୍ତ ଓ ଚତୁର୍ଦ୍ଦିଗସ୍ଥ ଦେଶର ନଗରସମୂହ ଦେଲେ। ଆଉ ଗାଦ୍‌ର ସନ୍ତାନଗଣ ଦୀବୋନ୍‌, ଅଟାରୋତ୍‌, ଅରୋୟେର, ଅଟ୍ରୋତ୍‌-ଶୋଫନ୍‌, ଯାସେର, ଯଗ୍‌ବିହା, ବେଥ୍‌-ନିମ୍ରା ଓ ବେଥ୍‌-ହାରଣ, ଏହିସବୁ ପ୍ରାଚୀରବେଷ୍ଟିତ ନଗର ଓ ମେଷମାନଙ୍କ ନିମନ୍ତେ ଖୁଆଡ଼ ନିର୍ମାଣ କଲେ। ପୁଣି ରୁବେନ୍‌ର ସନ୍ତାନଗଣ ହିଷ୍‌ବୋନ୍‌, ଇଲୀୟାଲୀ, କିରୀୟାଥୟିମ୍‌, ନବୋ ଓ ବାଲ୍‌-ମୀୟୋନ୍‌ (ନାମ ପରିବର୍ତ୍ତିତ) ଓ ସିବ୍‌ମା ନିର୍ମାଣ କଲେ; ଆଉ ଯେଉଁ ନଗରସମୂହ ସେମାନେ ପୁନର୍ନିର୍ମାଣ କଲେ, ତହିଁର ନୂତନ ନାମ ରଖିଲେ। ଆଉ ମନଃଶିର ପୁତ୍ର ମାଖୀରର ସନ୍ତାନଗଣ ଗିଲୀୟଦକୁ ଯାଇ ତାହା ହସ୍ତଗତ କଲେ, ପୁଣି ସେଠାର ନିବାସୀ ଇମୋରୀୟମାନଙ୍କୁ ତଡ଼ିଦେଲେ। ତେଣୁ ମୋଶା ମନଃଶିର ପୁତ୍ର ମାଖୀରକୁ ଗିଲୀୟଦ ଦେଲେ, ଆଉ ସେ ସେଠାରେ ବାସ କଲା। ପୁଣି ମନଃଶିର ପୁତ୍ର ଯାୟୀର ଯାଇ ସେମାନଙ୍କ ଗ୍ରାମସମୂହ ହସ୍ତଗତ କରି ତାହାସବୁର ନାମ ହବୋତ୍‌-ଯାୟୀର ରଖିଲା। ଆଉ ନୋବହ ଯାଇ କନାତ୍‌ ଓ ତହିଁର ଗ୍ରାମସମୂହ ହସ୍ତଗତ କରି ତାହାର ନାମ ଆପଣା ନାମାନୁସାରେ ନୋବହ ରଖିଲା।