David Absalomwui Pāng Eina Yāma
Davidwui laa, awui naomayara Absalomwui pāng eina ana yāmshok tharan.
Davidna awui naomayara Absalomwui pāng eina yāmshok tharan hi kapia, mibingna ali huikhami maleimana da hāngda lei. Ana ngahānga, awui Avā chi ali kuimareida khalei chāngveina, akui khāngkhuime chila; kala theikhami kachāk kaji: ana pizanga, pia, kala thuimathuka.
3 1Iwui Avā, iwui yangkashebing kayākha khaleikhala! Kachungkhana ili mamayā ngakarthuira.
2Kachungkhana iwui pongli hānga, "Vareli ali huikhami maleimana." a a v2 Selah chi Laa lairikbing alungli sorda khalei laa lah ningchuk khavaiwui maphekna — asheng ngasāmda hāngkahai chi phaida machuk khavaiwui chihoktui hina. 3Kha na, iwui Avā, ili kuimareida chāngveina, iwui masot kala ikui khangkākhamena.
4Ina panglāk eina iwui Avāli ngakaowa, kala ana awui kathara kaphungwui eina ili ngahānkāmi. 5Ina pizangda pihaowa; ina thuimathukluishita, kaja iwui Avāna ili mayonmi. 6Ili kuimareida yangshida khangarar thingtharā chili ina mangacheemara. 7Ngakarthuilu, O iwui Avā! Ili huimilu! Kaja na, iwui Avāna, iwui yangkashe saikorali amakhāli shaohaira; makhayābingwui ahā na za̱mihaira. 8Huikhami hi iwui Avāwuina. Nawui sokhami nawui mibingwuitungli leiranu.
