சங்கீதம் 3 FHB பிதாவின் இருதய வேதாகமம்™

3 ¹என் பிதாவே, என் சத்துருக்கள் எத்தனை பேராயிருக்கிறார்கள்! அநேகர் எனக்கு விரோதமாய் எழும்புகிறார்கள்.

²அநேகர் என்னைக்குறித்து, “தேவனிடத்தில் அவனுக்கு இரட்சிப்பு இல்லை” என்கிறார்கள். ^a a v2 ‘சேலா’ என்பது சங்கீதங்களில் பரவலாகக் காணப்படும் ஒரு இசை அல்லது தியான குறிப்பு — சற்று நிறுத்தி, சொல்லப்பட்டதை நிதானித்துச் சிந்திக்கும்படி இடப்பட்ட ஓர் அறிகுறியாக இருக்கலாம். ³ஆனாலும் என் பிதாவே, நீரே என்னைச் சுற்றிலும் இருக்கிற கேடகம், என் மகிமையும், என் தலையை உயர்த்துகிறவரும் நீரே.

⁴நான் என் பிதாவை நோக்கிச் சத்தமிட்டுக் கூப்பிடுகிறேன், அவர் தமது பரிசுத்த பர்வதத்திலிருந்து எனக்கு உத்தரவு அருளுகிறார். ⁵நான் படுத்து நித்திரைசெய்தேன்; விழித்துக்கொண்டேன்; என் பிதா என்னைத் தாங்குகிறார். ⁶என்னைச் சுற்றிலும் எனக்கு விரோதமாய் நிலைகொண்டிருக்கிற பதினாயிரம் பேருக்கும் நான் பயப்படேன். ⁷என் பிதாவே, எழுந்தருளும்! என்னை இரட்சியும்! என் பிதாவே, நீர் என் சத்துருக்கள் எல்லாரையும் தாடையில் அடித்தீர்; துன்மார்க்கருடைய பற்களை உடைத்தீர். ⁸இரட்சிப்பு என் பிதாவுக்கே உரியது. உம்முடைய ஜனத்தின்மேல் உம்முடைய ஆசீர்வாதம் தங்குவதாக.