Dawid Absalom thedang ka satkei
Dawideibü chia che, ladang hao haoshou Absalom thedang ka satkei.
Dawidei habü mang jembü shou Absalom khulimbo shijung haujinei laikei, hoba müt shuongei hao shanga “hao shanga khümenbü aying” dogo laukei. Haoei jongaida, haoeibü Bou kho hao kaijembo aih ki, haoeibü khu angtibou, hoba tükde chühenbü phokuda: haoei lengkei, pikei, hoba tou langkei.
3 1Kü Bou, ngeibü dangbou shuong aeibou yaang! Müt juongei ngo khulimbo meimeida.
2Müt juongei ngo shanga lauda, “Hao shanga Mühghaü ka khümenbü aying.” a a v2 Selah kho chia yingsikei maangphanbü shanga taklet che ki, aoei chia shuonga seknyinan kia; khoei tokei laubü ngüh kho hakso hoba damanchühla lenbü tegü kilabü. 3Lausikei no, kü Bou, ngo kaijembo aih ki, ngeibü soneikangbü hoba ngeibü khu angtibou ki.
4Ngei kü Bou to ngüh longko ngekda, hoba haoei jembü saopobü shongh ka kü to jongaida. 5Ngo lengan yepbei; ngo nyibou pikei, aishanga kü Bouei ngo thuida. 6Kaijembo ngo khulimbo longbü hajar an shuong to ngo ahatlabü. 7Loan, kü Bou! Ngo khümenshi! Aishanga nyi, kü Bou, ngeibü dangbou shuong pendou sembung to ipbei; nyi amaibü shuongeibü hauh leilukei. 8Khümenbü kho kü Bou ka louda. Kaibü haülabü kaibü mütli thüka yingshima.
