Sangmaia Ngo Yepda
Chia leiyeibou shanga. Pithung yoa. Dawideibü chia che.
Nangnak janbü, mütshuong thedanga pintiaatibü danko. Dawidei jembü Bou to jongaila ngada, hao to shamtibü müt shuong to ikkong ngüh sanoula lothedashi dogo lauda, hoba hao la kubü olinbü kho youshou si ih aboubü toje yaangbou dogo lauda. Haoei sangmaia yepan pibü ka khümkuda.
4 1Ngei ngalaje ngo to jongaishi, O kü Bou, ngeibü saopobü phokubou. Ngeibü maangshata nyi ngo la pu kukei; kü to onoushi hoba ngeibü welau ditkushi. 2O mütshuong, kanei ngeibü soneikangbü lalokche himouko sepeilabü? Lalokche kanei ikkong ngüh sanoulabü hoba amlangbü shieilabü? a a v2 Selah: ho Psalm shuonga kibü chia ayingsi lembüsabü nyen che ki; kho ai yingkei maimaitham angekei, lausikei kho sangsembü jih ayingsi chia hakso jih che lenda kilep.
3Lausikei seneibü Bouei maanglembü müt hao shanga pinyinan phokei dogo ngeashi; ngo hao to ngalaje seneibü Bouei ditkuda. 4Lühashi, hoba shabü teküm; kaneibü shen thüka kaneibü maangpon damanchühashi, hoba sangsembo kishi.
5Saopobü lembü lemashi, hoba seneibü Bou to mailemashi. 6Müt juongei lauda, “Aoei sen to maibü denche lenlabü?” O seneibü Bou, kaibü thenyek ngesakbü sen thüka shingashi!
7Nyi ngeibü maangpona haoen youshou si ih aboubü lele hapbü toje aei olinbü jinkukei. 8Sangmaia ngo yepan yeplabü, aishanga nyi ong, O kü Bou, ngo khümenbüa kitida.
