Chingri Kahaili Ina Pizanga
Laa khamungawui vang. Tingteilā eina. Davidwui laa akha.
Mibingna ngaveili ninghāng maphāwui ngaleili ngayāwui seihā. Davidna awui Avāli ngahānkāmilu da seihā sāa, ali tekmachiwui sākhami mibingli tui kakapik leishi mahalu da hānga, kala ali mikahai khamathān chi theishirai kaphāwui vanga aman sakmei da hānga. Kathumli ana chingri kahaili pizangda pia.
4 1Ina kaho chitharan ili ngahānkāmilu, O iwui Avā, iwui khamashung khangarongli yangkhamena. Iwui kakhanang atamli nana ili pam ngahāhang sāmihaira; ili lumashanmilu kala iwui seihā kasā kashāmilu. 2O mibing, nathumna iwui khayākakā chi maikashili karankhafara ngasakra? Karankhafara nathum arema tui leishida kakapikli shurzatra? a a v2 Selah: laa lairikbingli khalei laa lah khorumwui tantak akhana; chi khisā hānga da khangatarpa matheingasaka, kha chiya laa ngasāmkhui khavai lah laa lungli sāza khavai tantak akha mananga.
3Kha theikhuilu, ithumwui Avāna shitkasang ningkatong mi chi a khalattawui vang ngateihaira; ina ali ngakao chitharan ithumwui Avāna shāmira. 4Nganuklu, kala morei masālu; nathumwui petli nathumwui wuklung phālu, kala kasaikha ngasāmkhuilu.
5Khamashung khangarongwui pha̱kaphayā chigatlu, kala ithumwui Avāli shitsanglu. 6Kachungkhana hānga, "Khipāna ithumli kaphā ot akha chitheira?" Namaiwui kahor ithumwuitungli khāngkāmilu, O ithumwui Avā!
7Nana, athumwui theishirai kala drakhāra̱ pemtinghai atamwui khamathān chili lāngmeida, iwui wuklungli khamathān sangmihaira. 8Chingri kahaili ina pizangda pira, kaja na khamāngna, O iwui Avā, ili ninglumtur okthui ngasaka.
