Tavidi Watina Abusalomi
Mukunga wa Tavidi, tangwa kátina Abusalomi mwana wandi.
Tavidi wusonika yayi mu kutina mwana wandi Absalomi, batu bisi zonza ni keku luhulusu kwena yandi. Yandi wisi vutula ni Tata wandi kenina kibalaka kina kimuzinga, wuna wisi tombula mutwa wandi, amana wisi heka kimbangi kya kibakadila: wáleka, wánimba, amana wátokama.
3 1A Tata wama, bambeni bama bawu balawu! Batu balawu babati telama mu kungibwisa.
2Batu balawu babati zimbula kikuma kya meni: «Keku luhulusu kwena yandi mwena Nzambi.» a a v2 «Sela» yenina sinsu kya miziki voti kya kubanza kyamwangana muna mikunga — nanga kyenina tho ya kuvunda fyoti amana kubanza mana mazimbudi. 3Kaasi ngeyi, A Tata wama, wenina kibalaka kina kingizinga, khembu yama, yi wuna wisi tombula mutwa wama.
4Yisi kalunga mu ndinga ya ngolu kwena Tata wama, amana yandi wisi ngivutula tuka ku mongu wandi watoma. 5Yáleka, yánimba; yátokama hika, mukuma Tata wama wisi ngitanina. 6Yiyúkaku bweya kikuma kya makumi ma mafunda ma batu bana bangizingi muma mwosu. 7Telama, A Tata wama! Ngihulula! Mukuma ngeyi, A Tata wama, wábeta bambeni bama boosu ha matama; wábukuna menu ma batu ba mbi. 8Luhulusu lwenina lwa Tata wama. Lusakumunu lwaku lwakala ha batu baku.
