Laa 2

2 ¹Khisāda miyurbingna malungvātkhala, kala mibingna aremawui ot phaningphāphākhala? ²Okathuiwui awungabingna ngarānhaira, kala khamungabingna kazip ngarumda, ithumwui Avā kala awui Thao Neomi Kahaia—Jishu—li mamayāmada ngasanngaruma. ^a a v2 Thao Neomi Kahaia—Khrista—chi Jishuna. Rida shitkasang mibingna psalm hi khalatta eina, ali mamayāmada ngasanngaruma khamungabingwui maramli khoruma (Acts 4:25-26). ³"Athumna ithumli chaikahai khalap chi sāshatmisa," da athumna hānga, "kala athumwui khara̱ chi ithumwui eina chihohaosa."

⁴Kazingram wungpamkhongli chipam kahai ithumwui Avāna mana̱rora; Proho Avāna athumli mana̱shira. ⁵Chiwui thili ana awui malungkhavāt eina athumli hāngra, kala awui malungkathui eina athumli sāmachitra:

⁶"I khalattana iwui awunga chi Zionli, iwui kathara kaphungli, pamsanghaowa."

⁷Ina ithumwui Avāwui shiyan chi phongshokra: ana ili hānga, "Na iwui Anaomayarana—Jishu—aja ina nawui Avā ngasāhaira. ^b b v7 Ithumwui Avāwui Anaomayarali katang makhavai shiyan. New Testament-na tui hi tharzā eina Jishuwui maramli hāngmi—Acts 13:33, Hebrews 1:5, kala Hebrews 5:5—ali Avāna pharā kahai Anaomayarana da hāngshinga.

⁸"Ili ngahānlu, kala ina miyurbing chi nawui shimlui ngasāmira, kala okathui akatanga eina tangda nawui sākhangasak ngasāmira. ⁹Nana athumli mari khāmshui eina sātekmira; nana athumli ham kasaawui ngaleiham thāda akha̱-akhā sāmira."

¹⁰Ara chithākha, O awungabing, thangmeilu; hangkachithei nganākhuilu, O okathuiwui khamungabing. ¹¹Ithumwui Avāli khangachee eina otram ngatha̱lu, kala kathira eina ringphālu. ¹²Anaomayara—Jishu—li khamaya̱ sālu, maningkha ana malungvātra kala nathum shongfali shimānhaora, khikhalajila awui malungkhavāt hunkhawui alungli ngathunghaora. Ali ngayinkakhuia saikora sokhamina. ^c c v12 Psalm hi Anaomayara—Jishu—li ngayinkhuiwui vang ngachanga. Ali ning horsangwui ngachi, ali wungpamkhongli pamsang kahai Avāna shimli samkhangasakwui ngachina.