Mi eng' bukuit

Tyenwogigap Kalasunet 3 FHB Father's Heart Bible™

Kiistoi 15% eng' kiy ne iale korook →
Bukuit

Kimwei Daudi eng' Absalom

Tyenwogitap Daudi, ye kimwei eng' Absalom weeriinnyi.

Ki sir Daudi nooto ye mweei weeriinnyi Absalom, ak ki le piik kole ma mi yetunet agobo ineendet. Ki walji kole ii Kwandanyi long'ennyi ne kotegele ineendet ak ne ing'eetei metinnyi, ak ki koonu iboornateet ne kararaan: ki nuuch, ak koru, ak kosiir kogeny.

Sura 3.

Kwandanyu, ata puuniguk! Ng'eetyunwo piik che chaang'.

Mwaei pichu che chaang' agobo anee, koleen, “Mo mi yetunet agobo ineendet eng' Kamuktaindet.” a a v2 Selah ko eun ne po tyenet anan ne po bwaatet ne kiyae eng' tyenwogik; bo ichei ko kaboornet ne po kotonone chiito ak kobwaat agobo ne kagemwa. Ago inyee, Kwandanyu, ii long'ennyu ne kotegele anee, liilindanyu, ak inyee ne ing'eetei metinnyu.

Aguure eng' kutit ne oo Kwandanyu, ak kowolwo kobun tulwennyi ne tiliil. Ki anuuch ak aru; ka asiir kogeny, amu riibei anee Kwandanyu. Ma aiywei tamanusyegap eliphuusyek che kaketuigei kole koterteera komoswek tugul. Ng'eet, Kwandanyu! Sarwo anyun! Amu inyee, Kwandanyu, ki ibar puuniguk tugul eng' tagilgilik; ki iil kelegap kiptengeginik. Punjin Kwandanyu yetunet. Ingotep perurtang'ung' eng' piiguk.