Baruchli Phaningwui Tui
Lairik kapida chayasai kala chingri masamphang Baruchwui vang ningnaishingda kahāng tui kasikta akha. Nawui ningkachang chi machiyava̱ da ali mahāngmana. Ithumwui Avāna ana lingsang kahai chi phākthuida lei da hāngmi, chiwui vang Baruchna ot kahakabing maphāzatranu; awui mirin chi ana kakhuiyana.
45 1Judahwui awunga Josiahwui naomayara Jehoiakimwui mungda khamate zingkum, Neriahwui naomayara Baruchna Jeremiahna hāngtāmilaga tui saikora hi lairik akhalui akhali kapikhui tharan, marān Jeremiahna Baruchli kahāng tui china: 2Baruch, Israelwui ithumwui Avāna nali hithāda hānga:
3Nana hānga, 'I miserhaira! kaja ithumwui Avāna iwui khangashei wukkakhanang ngarumsanga; ina ringkhangāwui vang chothaira, kala ngasāmkakhui mahaimana.'
4Ali hānglu: ithumwui Avāna hithāda hānga: Ngalei katongali, ina sākahai chi ina sākhaimiserra, kala ina lingsang kahai chi ina phurshokra. 5Kala na, nakhalattawui vang khamathā ot kaji nana phākazatla? Maphāzatalu. Ina phasā saikorawuitungli kalākashi khuirāra, da ithumwui Avāna hānga, kha na kachiho apam saikorali nawui mirin chi ngaponkakhui thāda nali mira. a a v5 "Nawui mirin chi ngaponkakhui thāda" hi rai khavaipamwui khangarān akhana: rārāda khalei kalākashili Baruchna awui mirinmāng khuilaga yāmshokra—kala chi khalatta hi ithumwui Avāna huimi khavai ngashit kahai otnao chi ngasāhaowa.
