Baruk shanga Solotibü Ngüh
Baruk shanga huphang ngüh hanshou che, dobü shaang wiyoko hakso ahapbü hao shanga. Haoeibü onat hanshou ki dogo hao to alenbei. Seneibü Bouei dangbü kho leilulabü hoba libü kho angthetlabü dogo hao to lenkei; khoei Barukei thinei yaangbü telamma; haoeibü langkei kho hao soletbü lela kulabü.
45 1Jihuda Choba Josia shou Jehoiakim po leiboubüa, Neria shou Baruk kho Jeremia ngühei habü ngüh le chenei dobü jiha, thuseibou Jeremiaei hao to lenbü ngüh ho ki: 2O Baruk, Israel seneibü Bouei ka to hai lauda:
3Nyi laukei, ‘Ngo aeibou maangshata kia! aishanga Bouei kü onat to maang jinyokukei; ngo wiyobüei semthetnyu apbei, hoba hakso ahapda.’
4Hao to hai lenashi: Bouei hai lauda: Ho kaodak khümboa, ngei dangbü kho ngei leilulabü, hoba ngei libü kho ngei angthetlabü. 5Hoba nyi—nyi kaibü shanga thinei yaangbü lamda lo? Telam. Chühashi, ngei phe pendou thükto thushed sungbalabü, dogo Bouei lauda, lausikei nyi laeto ong haulaje, ngei ka la kaibü langkei soletbü lela kulabü. a a v5 “Kaibü langkei soletbü lela” dogokei kho wapyo yaak kabü ngüh che kikei: loulabü shedsikhaua Baruk haoeibü langkei shongko aeila ayingko satenlabü—hoba kho ong Bouei jungetila theletbü kukhüm kikei.
