Baruch nimite morom laga ekta kotha
Baruch nimite ekta chuta nijor kotha, kun likhi likhi kene thaki jaise aru aram napai ase. Tai laga dukh chuta ase koi kene tai ke kowa nai. Tai ke koise ki amar Pitri Tai nijor lagai diya khan ke ukhari ase, etu nimite Baruch dangor jinis khan bisaribo nalage; tai laga jivon he tai rakhibo.
45 1Josiah laga chokra, Judah laga raja Jehoiakim laga char nombor saal te, jitia Neriah laga chokra Baruch pora Jeremiah pora kua hisab te eitu khan kotha ekta kitab te likhise, titia bhabobadi Jeremiah pora tar ke kua kotha tu: 2Israel laga amar Pitri pora tumi ke eneka koi ase, Baruch:
3Tumi koise, “Moi bisi dukhiya hoi ase! Kilemane amar Pitri pora moi laga bikhaar logote aru mon-dukh milai dise; moi kandi kandi kene tira hoi jaise aru aram napai.”
4Tar ke kobi: amar Pitri pora eneka koi ase: Moi ji bonaise, eitu Moi bhangai phelai ase, Moi ji ropaise, eitu Moi ukhari phelai ase—pura desh uporte. 5Aru tumi—tumi nijor nimite dangor jinis khan bisari ase na? Nakoribi. Moi sob gau-mangso uporte bipod anibo ase, amar Pitri pora koi ase, kintu tumi jun jagate jabo, ta te Moi tumi laga jivon tumi ke lut-paat kora saman nisena dibo. a a v5 “Tumar jivon lut-paat kora saman nisena” tu lorai laga maidan te kua ekta kotha asele: ahhibole thaka dhongso te Baruch pora tar jivon khali loikena, aru eku bhi nalikena polabo—aru eitu nijor he amar Pitri pora rakhibole kosom diya uphaar asele.