Talei Ram Kalan Khouna Paonu
Laa tonu lampuipa lang; tingtong pot bing le diga. David om.
Asung baat damnu manpa khatna talei ram kalan khouna thwannu kalumnu khat; maan pina sadomnu lung bi pi thang lang Bapa khou ngaiye. Maanna khut tamnu makka ongnu ding nwamme — Napwan in khwa seiga — khatle krwang om ringnu sangwan hap thangnu ding bathaiye.
61 1Apa, akaopaonu ga ngai thang ngo; akalumnu ga ngaiyo. 2Asung baat damnu kaan bi, talei ram kalan khouna eina Nakhou kouwe; ei pina sadomnu lung bi ating pi thang ngo. 3Balangbe Nang ating impha to rwe, munanu ding kanatnu basaang in gaye.
4Eina Napwan in bi khwa seiga ong dam lang taraan nge khatle Nabatha thwei bi impha lou lang taraan nge. 5Balangbe Apa, Nangna akhaang chong bing ga ngaisu rwe; Nameng ding kachinu bing om rakhum ga ating pi thang rwe. 6Krwang om ringnu bi sangwan hap thang ngo; bakum bing ga mikin taswang khak ting am ding ngo. 7Maan ani Pa meithaan bi khwa seiga takung riak bi ong ding ngo; Naom chonghen kriangnu khatle balumsaza ga maan ding barak thei lang kathang swak ngo. 8Habei ga eina Nameng ding bakaan bathin swanga laa tolune khatle lumik khat khat akhaang chong bing ga pi hung tang thanglune.