स्तोत्रसंहिता 99

99 ¹ आमचा पिता राज्य करतो; लोकांनी थरथर कापावे! तो करूबांवर सिंहासनावर विराजमान आहे; पृथ्वी डळमळो! ² सीयोनेत आमचा पिता महान आहे; तो सर्व लोकांहून उंच केला गेला आहे. ³ त्यांनी तुझ्या महान व भयप्रद नावाची स्तुती करावी; तो पवित्र आहे!

⁴ पराक्रमी राजा न्यायावर प्रीती करतो. तू योग्यता स्थापिली आहेस; तू न्याय घडवून आणला आहेस आणि याकोबात नीतिमत्ता घडवून आणली आहेस. ⁵ आमच्या पित्याला उंच करा; त्याच्या पादासनापुढे उपासना करा! तो पवित्र आहे!

⁶ मोशे व अहरोन त्याच्या याजकांमध्ये होते, आणि शमुवेल त्याच्या नावाचा धावा करणाऱ्यांमध्ये होता. त्यांनी आमच्या पित्याला हाक मारली, आणि त्याने त्यांना उत्तर दिले. ⁷ मेघस्तंभातून तो त्यांच्याशी बोलला; त्यांनी त्याच्या आज्ञा व त्याने दिलेले नियम पाळले.

⁸ आमच्या पित्या, तू उत्तर दिलेस त्यांना; तू त्यांच्यासाठी क्षमा करणारा पिता होतास, तरीही तू त्यांच्या दुष्कृत्यांचा जाब त्यांच्याकडून घेतलास. ⁹ आमच्या पित्याला उंच करा, आणि त्याच्या पवित्र पर्वतावर उपासना करा; कारण आमचा पिता पवित्र आहे!