ኣብ ዙፋኑ ተቐሚጡ ኣሎ
እዚ መዝሙር ሰለስተ ጊዜ ደው ኢሉ፥ ንሱ ቅዱስ እዩ፥ ይብል። ኣቦና፥ እቲ ንምድሪ ዘንቀጥቅጥ ንጉስ፥ ንፍትሒ ድማ የፍቅር፥ ኣብነታቱ ኸዓ ሙሴን ኣሮንን ሳሙኤልን እዮም — ካብ ዓምዲ ደመና ዝመለሰሎም፥ ይቕረ ዝበለሎም፥ ብበደሎም ግና ዝቐፅዖም ሰባት።
99 1ኣቦና ነጊሱ ኣሎ፤ እቶም ህዝብታት ይንቀጥቀጡ! ኣብ ልዕሊ ኪሩቤል ተቐሚጡ ኣሎ፤ ምድሪ ትንቀጥቀጥ! 2ኣቦና ኣብ ፅዮን ዓብዪ እዩ፤ ኣብ ልዕሊ ኵሎም ህዝብታት ልዕል ኢሉ ኣሎ። 3ንዓብዪን ዘፍርሕን ስምካ የመስግኑ፤ ንሱ ቅዱስ እዩ!
4እቲ ሓያል ንጉስ ንፍትሒ የፍቅር። ንቅንዕና ኣፅናዕካ፤ ኣብ ያእቆብ ፍትሕን ፅድቅን ገበርካ። 5ንኣቦና ልዕል ልዕል ኣብልዎ፤ ኣብ መርገፂ እግሩ ስገዱ! ንሱ ቅዱስ እዩ!
6ሙሴን ኣሮንን ካብ ካህናቱ ነበሩ፤ ሳሙኤል ከዓ ካብቶም ስሙ ዝፅውዑ ነበረ። ናብ ኣቦና ፀውዑ፥ ንሱ ከዓ መለሰሎም። 7ብዓምዲ ደመና ተዛረቦም፤ ትእዛዛቱን እቲ ዝሃቦም ሕግጋትን ሓለዉ።
8ኦ ኣቦና! ንስኻ መለስካሎም፤ ይቕረ በሃሊ ኣቦ ኮንካሎም፥ ብበደሎም ግና ቀፃዕካዮም። 9ንኣቦና ልዕል ልዕል ኣብልዎ፥ ኣብ ቅዱስ እምባኡ ድማ ስገዱ፤ ኣቦና ቅዱስ እዩ እሞ!
