ସେ ସିଂହାସନରେ ଉପବିଷ୍ଟ
ତିନି ଥର ଗୀତଟି ଅଟକି କହେ, ସେ ପବିତ୍ର। ଆମ ପିତା, ଯେଉଁ ରାଜା ପୃଥିବୀକୁ କମ୍ପାନ୍ତି, ସେ ନ୍ୟାୟକୁ ମଧ୍ୟ ପ୍ରେମ କରନ୍ତି, ଆଉ ଏହାର ଉଦାହରଣ ମୋଶା, ହାରୋଣ ଓ ଶାମୁୟେଲ — ଏମାନଙ୍କୁ ସେ ମେଘସ୍ତମ୍ଭରୁ ଉତ୍ତର ଦେଲେ, କ୍ଷମା କଲେ, ଆଉ ତଥାପି ଉତ୍ତରଦାୟୀ ରଖିଲେ।
99 1ଆମ୍ଭମାନଙ୍କ ପିତା ରାଜତ୍ଵ କରନ୍ତି; ଗୋଷ୍ଠୀସମୂହ କମ୍ପିତ ହେଉନ୍ତୁ! ସେ କିରୂବମାନଙ୍କ ଉପରେ ସିଂହାସନରେ ଉପବିଷ୍ଟ; ପୃଥିବୀ ଟଳମଳ ହେଉ! 2ଆମ୍ଭମାନଙ୍କ ପିତା ସିୟୋନରେ ମହାନ; ସେ ସମସ୍ତ ଗୋଷ୍ଠୀ ଉପରେ ଉନ୍ନତ। 3ସେମାନେ ତୁମ୍ଭର ମହାନ ଓ ଭୟାନକ ନାମର ପ୍ରଶଂସା କରନ୍ତୁ; ସେ ପବିତ୍ର ଅଟନ୍ତି!
4ପରାକ୍ରମୀ ରାଜା ନ୍ୟାୟକୁ ପ୍ରେମ କରନ୍ତି। ତୁମ୍ଭେ ନ୍ୟାଯ୍ୟତା ସ୍ଥାପନ କରିଅଛ; ତୁମ୍ଭେ ଯାକୁବ ମଧ୍ୟରେ ନ୍ୟାୟ ଓ ଧାର୍ମିକତା ସାଧନ କରିଅଛ। 5ଆମ୍ଭମାନଙ୍କ ପିତାଙ୍କୁ ଉନ୍ନତ କର; ତାହାଙ୍କ ପାଦପୀଠ ନିକଟରେ ପ୍ରଣାମ କର! ସେ ପବିତ୍ର ଅଟନ୍ତି!
6ମୋଶା ଓ ହାରୋଣ ତାହାଙ୍କ ଯାଜକମାନଙ୍କ ମଧ୍ୟରେ, ପୁଣି ଶାମୁୟେଲ ତାହାଙ୍କ ନାମରେ ପ୍ରାର୍ଥନା କରିବା ଲୋକଙ୍କ ମଧ୍ୟରେ ଥିଲେ। ସେମାନେ ଆମ୍ଭମାନଙ୍କ ପିତାଙ୍କୁ ଡାକିଲେ, ଆଉ ସେ ସେମାନଙ୍କୁ ଉତ୍ତର ଦେଲେ। 7ସେ ମେଘସ୍ତମ୍ଭ ମଧ୍ୟରୁ ସେମାନଙ୍କୁ କହିଲେ; ସେମାନେ ତାହାଙ୍କ ଆଜ୍ଞା ଓ ତାହାଙ୍କ ପ୍ରଦତ୍ତ ବିଧିସକଳ ପାଳନ କଲେ।
8ହେ ଆମ୍ଭମାନଙ୍କ ପିତା, ତୁମ୍ଭେ ସେମାନଙ୍କୁ ଉତ୍ତର ଦେଲ; ତୁମ୍ଭେ ସେମାନଙ୍କ ପ୍ରତି କ୍ଷମାକାରୀ ପିତା ଥିଲ, ତଥାପି ତୁମ୍ଭେ ସେମାନଙ୍କ ଅପରାଧ ନିମନ୍ତେ ସେମାନଙ୍କୁ ଦଣ୍ଡ ଦେଲ। 9ଆମ୍ଭମାନଙ୍କ ପିତାଙ୍କୁ ଉନ୍ନତ କର, ପୁଣି ତାହାଙ୍କ ପବିତ୍ର ପର୍ବତ ନିକଟରେ ପ୍ରଣାମ କର; କାରଣ ଆମ୍ଭମାନଙ୍କ ପିତା ପବିତ୍ର ଅଟନ୍ତି!
