Li chita sou twòn li
Twa fwa sòm nan rete pou l di: li sen. Papa nou, Wa ki fè tè a tranble a, renmen jistis tou, e egzanp li bay se Moyiz, Arawon ak Samyèl: moun li te reponn soti nan gwo nwaj la, li te padone yo, men li te toujou mande yo kont.
99 1Papa nou ap gouvènen; se pou tout pèp yo tranble! Li chita sou twòn li anwo cheriben yo; se pou latè souke! 2Papa nou gran nan Siyon; li byen wo sou tout pèp yo. 3Se pou yo fè lwanj non ou ki gran e ki fè moun pè; Li sen!
4Wa ki gen gwo pouvwa a renmen jistis. Ou tabli sa ki dwat; ou fè jistis ak ladwati nan mitan pèp Jakòb la. 5Leve Papa nou byen wo; adore l devan machpye li! Li sen!
6Moyiz ak Arawon te pami prèt li yo, Samyèl menm te pami moun ki t'ap rele non li yo. Yo te rele Papa nou, li te reponn yo. 7Nan gwo poto nwaj la li te pale ak yo; yo te kenbe kòmandman li yo ak regleman li te ba yo.
8Papa nou, ou te reponn yo; ou te yon Papa ki padonnen yo, men ou te fè yo rann kont pou mal yo te fè. 9Leve Papa nou byen wo, adore l sou mòn li ki sen an; paske Papa nou sen!