Haoei Setshanga Setan Kida
Nyensang chia khümbo khümbo khangkei, hao saopobü ki dogo. Seneibü Bou, kaodak selo nyibü Choba kho matjembü sanouda, hoba khübü seilei kho Mosa, Aron hoba Samuel ki—haoen to sangmei thaonyu ka haoei jongaibü, hoba senyühshembü, lausikei haoeneibü shedbü shanga phoklambü mütli ki.
99 1Seneibü Bouei songdakda; phangshuong lühashi! Haoei kaakyembü kherabim thüka setan ki; kaodak selo nyishi! 2Seneibü Bou Zion ka yaangbü ki; hao phangshuong pendou thüka yaangenan kida. 3Haoenei ka nyen yaangbü hoba hatlamoklabü nyensangshi; hao saopobü ki!
4Choba hau yaangbouei matjembü sanouda. Nyi ngühmai kümakei; nyi matjembü hoba saopobü Jakob yoa kümbei. 5Seneibü Bou yaangentiashi; haoeibü younakshanga lemashi! Hao saopobü ki!
6Mosa si Aron haoeibü ungshedbou shuong yoa kikei, hoba Samuel hao nyena ngabou shuong yoa kikei. Haoenei seneibü Bou to ngakei, hoba haoei haoen jongaikei. 7Sangmei thaonyu ka haoei haoen to joyokei; haoenei haoeibü ngühkhüm hoba haoei haoen la kubü deikhüm jungeikei.
8Seneibü Abou, nyi haoen jongaikei; nyi haoen shanga sudajabou Bou kikei, lausikei haoeneibü shedbü shanga nyi haoen to phoklambei. 9Seneibü Bou yaangentiashi, hoba haoeibü saopobü shongha lemashi; aishanga seneibü Bou saopobü ki!
