Maan Takung Riak Chung Bi Badung Ongme
Laa ga leng thum, Maan ga bathiangnuwe diga rin lang, khut rwe. ani Pa, talei ram ding tatpu thangnu Krwang na, bazenu chongsem le kriang nge, khatle haba om tacham bing ga Moses, Aaron khatle Samuel gaye—Maanna tambu inteng bina bani khou katak, bani lang kok thang, atiyeda bani om chwan bing singchak lousu le thang ngaaknu mi nun gaye.
99 1Ani Pa na paanne; chaat bingna kachiga tatpu ding ngo! Maan Cherubim chung bi badung ongme; talei ram ga tatpu ding ngo! 2Ani Pa ga Zion bi lianne; Maan ga chaat bing brumza lu chung bi basaang ka thangnuwe. 3Lian khatle kachi taknu Nameng ding banina swan ding ngo; Maan ga bathiangnuwe!
4Ngam liannu Krwang na bazenu chongsem ding kriang nge. Nangna bathaang daan swak thang rwe; Nangna bazenu chongsem khatle ririak senu Jacob bi chwan to rwe. 5Ani Pa ding basaang ka thang ngo; Baket kadim riak bi kalum ngo! Maan ga bathiangnuwe!
6Moses le Aaron le Bating tako rwan lak pi ongme, khatle Bameng kounu nun lak pi Samuel le ongme. Banina ani Pa khou kou rwe, khatle Maanna bani khou katake. 7Tambu inteng bina Maanna bani khou chong rin ngaake; banina Baom zathang khatle Maanna bani lang pi thangnu chongtan bing ga zei ngaake.
8He ani Pa, Nangna bani khou katake; Nangna bani lang kok thangnu Pa ong ngaake, atiyeda bani om ririak se maknu chwan bing om lang bi Nangna bani khou singchak lousu thang ngaake. 9Ani Pa ding basaang ka thang ngo, khatle Bating bathiangnu rammwan bi kalum ngo; balangbe ani Pa ga bathiangnuwe!