Pu Kedeba lü Sitsüzo
Cheleo pü kemesazo zisü po keto la nha thiri pü thorüh ta. Ha Po, cejü nüsü süpü Kedeo, kemezi sheri khrüyo, mu süo ungo hihi Moses, Aaron mu Samuel zo — miko pü kemhü sütücelü zü küla, pü khava, mu sizizori utho be ce kezü küyi kebako.
99 1Ha Po kede thizo; thümako mpe hite! Pu Cherubim yo kedebalü sitsüo zo; cejü nüsü hite! 2Ha Po Zion lü küzho thozo; pu thüma metü pi thi kerekrü süzo. 3Uko n za küzho mu küpema chuyite; Pu kemesazo!
4Kedeo keku kemezi khrüzo. No kethoo tiosüte; No Jacob lü khüpo mu kemezi thisüte. 5Ha Po thi kerekrü te; pü phezho lü reshü te! Pu kemesazo!
6Moses mu Aaron pü thevoko dolü bata, mu Samuel pü za lü cü miko dolü bata. Uko Ha Po ce cü die, Pue uko zü küla. 7Kemhü sütüco lü Pue ukoce po; uko pü khaküsüko mu Pue uko tsü thezhoko zü yita.
8Ha Po, Noe uko zü küla; No ukoce kejo vapü Po thita, vele No uko mezikemo khapü uko mejo süte. 9Ha Po thi kerekrü te, mu pü cejütuyo kemesa lü reshü te; kekrelamori Ha Po kemesazo!
