آتانی ترک اِدَن بئر پادشاه
آخاز اؤز اوغوللارینی دره‌ده یاندیریر و اَرام ائله ائسرایئله تسلئم ادئلئر. گؤزله‌نئلمه‌یَن شی بودور کی، شئمال پیغمبرلری و باشچیلاری یهودانین اسئرلرئنی گئیئندئرئب، یئدئزدئرئب اِولرئنه گؤندَرئرلر. آخاز مغلوبئیّته جاوابینی اؤزونو ووران آللاهلارا قوربان کسمکله و آتامیزین قاپیلارینی باغلامکلا ورئر.
28 1آخاز ائیئرمی یاشیندا پادشاه اولدو و اورشلئمده اون آلتی ائل پادشاهلیق اتدی. او، اجدادی داوود کئمی آتامیزین گؤزونده دوز اولان ائشلر اتمه‌دی. 2اونون یرئنه ائسرایئل پادشاهلارینین یولو ائله گتدی و بَعَل بوتلری اوچون تؤکمه بوتلر دوزَلتدی. 3او بِن‌هئنّوم دره‌سئنده بوخور یاندیردی و اؤز اوغوللارینی اوددا یاندیردی، ائسرایئلئن قاباغیندان آتامیزین قوودوغو مئلّتلرئن ائیرنج رسم-روسوملارینی تقلئد اتدی. 4او، پرستئشگاهلاردا، تپه‌لرده و هر سیخ یارپاقلی آغاجین آلتیندا قوربان کسئب بوخور یاندیردی. a a v4 پرستئشگاهلار، کَنَعانین هر طرفئنده بوت‌پرستلئک اوچون ائشله‌دئلن تپه باشیندا یا دا آچیق هاوادا اولان معبدلر ائدی.
5بونا گؤره آتامیز اونو اَرام پادشاهینین الئنه تسلئم اتدی. او اونو مغلوب اتدی و چوخلو اسئر دَمَشقه آپاردی. او همچئنئن ائسرایئل پادشاهینین الئنه ورئلدی کی، اونا آغیر بئر ضربه ووردو. 6رِمَلیا اوغلو پِقَخ بئر گونده یهودانین یوز ائیئرمی مئن جسور آدامینی قیردی، چونکی اونلار اجدادلارینین تاریسی اولان آتامیزی ترک اتمئشدئلر. 7اِفرایئملی دؤیوشچو ذئکری، پادشاهین اوغلو مَعَسِیانی، سارای رئیسی عَزرئقامی و پادشاهین ائکئنجئسی اولان اِلقانانی اؤلدوردو. 8ائسرایئللی‌لر اؤز قوحوملاریندان ائکی یوز مئن نفری - آروادلاری، اوغوللاری و قیزلاری - اسئر آلدیلار و چوخلو قنئمت گؤتوروب سامئره‌یه آپاردیلار. 9اورادا عودِد آدلی آتامیزین بئر پیغمبری وار ائدی. او، سامئره‌یه قاییدان قوشونو قارشیلاییب ددی: «باخین، اجدادلارینیزین تاریسی اولان آتامیز یهودایا قضبلَنمئشدی، اونا گؤره اونلاری سئزئن اَلئنئزه تسلئم اتدی. آمّا سئز اونلاری گؤیه چاتان بئر حئرصله اؤلدوردونوز. 10ائندی سئز یهودا و اورشلئم اهالئسئنی، کئشی و آروادی اؤزونوزه قول اتمک نئیّتئنده‌سئنئز. مگر سئز اؤزونوز آتانیزین ضئدّئنه اولان گوناهلارا گؤره تقصئرکار دیئلسئنئز؟ 11ائندی قولاق آسین: اسئر آلدیغینیز قوحوملاری گری قایتارین، چونکی آتامیزین آلوولانان قضبی سئزئن اوستونوزده‌دئر.» 12اِفرایئملی باشچیلاردان بعضئسی - یوخانان اوغلو عَزَریا، مِشئلّموت اوغلو بِرِکیا، شَلّوم اوغلو یِهئزقئیا و خَدلای اوغلو عماسا - دؤیوشدن گلنلرئن ضئدّئنه دوردولار. 13اونلارا ددئلر: «اسئرلری بورا گتئرمه‌یئن. سئز نئیّتده‌سئنئز کی، آتامیزین ضئدّئنه اولان گوناه و تقصئرلرئمئزه داها دا آرتیراسینیز. تقصئرئمئز حله ده بؤیوکدور و آلوولانان قضب ائسرایئلئن اوستونده‌دئر.»
14بله‌جه عسگرلر اسئرلری و قنئمتی رئیسلرئن قاباغیندا، بوتون جاماعاتین قاباغیندا تسلئم اتدئلر. 15آدلاری چکئلَن آداملار اسئرلری گؤتوروب، قنیمتدن بوتون لوت اولانلاری گیئندئردئلر. اونلارا پالتار و چاریق، یمک و ائچمک وردئلر و اونلاری یاغلا مسح اتدئلر. ضعئف اولانلاری اِششَکلره مئندئرئب، اونلاری خورما شهری اَرئحادا اولان ائسرایئل‌لی قارداشلارینین یانینا گتئردئلر، سونرا سامئره‌یه قاییتدیلار.
16او زامان آخاز پادشاه کؤمک اوچون آشور پادشاهینا آدام گؤندَ‌ردی. 17اِدوملولار گئنه یهودایا هوجوم ادئب اسئر آپارمیشدیلار، 18فئلئسطلی‌لر ده یهودانین هامار بؤلگه‌سئنده و نِگِبده اولان شهرلره هوجوم ادئب، بِیت‌شِمِش، اَیّالون، گِدِروت، سوکو، تئمنا و گئمزو شهرلرئنی کَندلری ائله بئرلئکده آلیب اورادا ساکئن اولدولار. 19آتامیز ائسرایئل پادشاهی آخازا گؤره یهودانی آلچالتدی، چونکی او یهودادا حاقسیزلیق یایدی و آتامیزا کامئل وفاسیزلیق اتدی. b b v19 آخاز یهودانین اوستونده پادشاهلیق ادئردی؛ اونو «ائسرایئل پادشاهی» آدلاندیرماق، اونون شئمال پادشاهلیغینین وفاسیز پادشاهلارینین یولونو نجه کامئل بئر شکئلده قبول اتدئیئنی گؤرسه‌دئر. 20آشور پادشاهی تئقلَت‌پئلِسِر آخازین یانینا گلدی، آمّا تئقلَت‌پئلِسِر اونا کؤمک یرئنه زحمت گتئردی. 21آخاز آتامیزین اِوئنئن، پادشاه سارایینین و رئیسلرئن خزئنه‌لرئنی آلیب آشور پادشاهینا وردی، آمّا بو اونا هچ کؤمک اتمه‌دی.
22آخاز پادشاه اؤز سیخینتی واختیندا آتامیزا داها دا چوخ وفاسیزلیق اتدی. 23او، اؤزونو مغلوب ادن دَمَشقئن آللاهلارینا قوربان کسدی و فئکئرلشدی: «اَرام پادشاهلارینین آللاهلاری اونلارا کؤمک اتدی؛ من ده اونلارا قوربان کسئم کی، اونلار منه ده کؤمک اتسئنلر.» آمّا اونلار اونو و بوتون ائسرایئلی وئران اتدئلر. 24آخاز آتامیزین اِوئنئن اشیالارینی ییغیب تئکه-تئکه اتدی، آتامیزین اِوئنئن قاپیلارینی باغلادی و اورشلئمئن هر کونجونده اؤزو اوچون قوربانگاهلار قوردو. 25یهودانین هر شهرئنده آیری آللاهلارا قوربان یاندیرماق اوچون پرستئشگاهلار تئکدی و اجدادلارینین تاریسی اولان آتامیزی قضبلَندئردی.
26اونون قالان ائشلری و بوتون یوللاری، اوّلدن آخیرا قدر، یهودا و ائسرایئل پادشاهلارینین کئتابیندا یازیلیب. 27آخاز اجدادلاری ائله یاتدی و اورشلئمده باسدیریلدی، آمّا ائسرایئل پادشاهلارینین مقبره‌لرئنده یوخ. اونون یرئنه اوغلو خئزقئیا پادشاه اولدو.
