ነህምያ 7

ምዕራፍ 7።

7 ¹ቅጥሩ ከተሠራና በሮቹን ከተከልሁ በኋላ፣ በር ጠባቂዎች፣ ዘማሪዎችና ሌዋውያን ተሾሙ። ²ወንድሜን ሐናኒንና የምሽጉን አዛዥ ሐናንያን በኢየሩሳሌም ላይ ሾምሁ፤ ሐናንያ ታማኝ ሰው ነበርና፤ ከብዙዎችም ይልቅ አባታችንን ይፈራ ነበር። ³እንዲህም አልኋቸው፤ “ፀሐይ እስኪሞቅ ድረስ የኢየሩሳሌምን በሮች አትክፈቱ፤ ጠባቂዎቹም በተጠንቀቅ ሳሉ በሮቹን ዘግተው አጥብቀው ይዝጉ። ከኢየሩሳሌም ነዋሪዎች ጠባቂዎችን ሹሙ፤ እያንዳንዱ በተመደበበት ቦታ፣ እያንዳንዱም በየቤቱ ትይዩ ይቁም።”

⁴ከተማዪቱ ሰፊ ነበረች፤ በውስጧ የነበሩት ሰዎች ግን ጥቂቶች ነበሩ፤ ገና የተሠሩ ቤቶችም አልነበሩም።

የአባታችን ሕዝብ ተቈጥረው ወደ ቤታቸው ተመለሱ

⁵ከዚያም መኳንንቱን፣ ሹማምንቱንና ሕዝቡን ሰብስቤ በትውልድ ሐረግ እንዳስመዘግብ አባቴ በልቤ አሳደረ። የመጀመሪያዎቹን ተመላሾች የትውልድ ሐረግ መዝገብ አገኘሁ፤ በውስጡም እንዲህ ተብሎ ተጽፎ አገኘሁ፤

⁶የባቢሎን ንጉሥ ናቡከደነፆር ማርኮ ወስዷቸው የነበሩት፣ ከምርኮ ተመልሰው ወደ ኢየሩሳሌምና ወደ ይሁዳ፣ እያንዳንዱ ወደ ገዛ ከተማው የተመለሱት የአውራጃው ሰዎች እነዚህ ናቸው፤ ⁷ከዘሩባቤል፣ ከኢያሱ፣ ከነህምያ፣ ከዐዛርያ፣ ከራዕማያ፣ ከነህማኒ፣ ከመርዶክዮስ፣ ከቢልሳን፣ ከሚስጲሬት፣ ከቢግዋይ፣ ከነሑምና ከበዓና ጋር የመጡ ናቸው፤ የእስራኤል ሕዝብ ሰዎች ቍጥር ይህ ነው፤

⁸የፈሮስ ዘሮች፣ 2,172፤

⁹የሰፋጥያ ዘሮች፣ 372፤

¹⁰የአራ ዘሮች፣ 652፤

¹¹የፍኀት ሞዓብ ዘሮች (በኢያሱና በኢዮአብ ሐረግ)፣ 2,818፤

¹²የኤላም ዘሮች፣ 1,254፤

¹³የዛቱ ዘሮች፣ 845፤

¹⁴የዘካይ ዘሮች፣ 760፤

¹⁵የቢኑይ ዘሮች፣ 648፤

¹⁶የቤባይ ዘሮች፣ 628፤

¹⁷የአዝጋድ ዘሮች፣ 2,322፤

¹⁸የአዶኒቃም ዘሮች፣ 667፤

¹⁹የቢግዋይ ዘሮች፣ 2,067፤

²⁰የዓዲን ዘሮች፣ 655፤

²¹የአጤር ዘሮች (በሕዝቅያስ በኩል)፣ 98፤

²²የሐሱም ዘሮች፣ 328፤

²³የቤሳይ ዘሮች፣ 324፤

²⁴የሐሪፍ ዘሮች፣ 112፤

²⁵የገባዖን ዘሮች፣ 95።

²⁶የቤተ ልሔምና የነጦፋ ሰዎች፣ 188፤

²⁷የዓናቶት ሰዎች፣ 128፤

²⁸የቤተ ዓዝማዌት ሰዎች፣ 42፤

²⁹የቂርያት ይዓሪም፣ የክፊራና የብኤሮት ሰዎች፣ 743፤

³⁰የራማና የጌባ ሰዎች፣ 621፤

³¹የሚክማስ ሰዎች፣ 122፤

³²የቤቴልና የጋይ ሰዎች፣ 123፤

³³የሌላው ኔቦ ሰዎች፣ 52።

³⁴የሌላው ኤላም ዘሮች፣ 1,254፤

³⁵የሐሪም ዘሮች፣ 320፤

³⁶የኢያሪኮ ዘሮች፣ 345፤

³⁷የሎድ፣ የሐዲድና የኦኖ ዘሮች፣ 721፤

³⁸የሰናአ ዘሮች፣ 3,930።

³⁹ካህናቱ፦ የይዳያ ዘሮች (በኢያሱ ቤት በኩል)፣ 973።

⁴⁰የኢሜር ዘሮች፣ 1,052፤

⁴¹የፋስኁር ዘሮች፣ 1,247፤

⁴²የሐሪም ዘሮች፣ 1,017።

⁴³ሌዋውያኑ፦ የኢያሱ ዘሮች (በቀድምኤልና በሆዳውያ ሐረግ በኩል)፣ 74።

⁴⁴ዘማሪዎቹ፦ የአሳፍ ዘሮች፣ 148።

⁴⁵በር ጠባቂዎቹ፦ የሳሎም፣ የአጤር፣ የጦልሞን፣ የዐቁብ፣ የሐጢጣና የሶባይ ዘሮች፣ 138።

⁴⁶የቤተ መቅደስ አገልጋዮቹ፦ የጺሐ፣ የሐሱፋ፣ የጠባዖት፣ ⁴⁷የቄሮስ፣ የሲዓ፣ የፋዶን፣ ⁴⁸የለባና፣ የሐጋባ፣ የሳልማይ፣ ⁴⁹የሐናን፣ የጊዴል፣ የጋሐር፣ ⁵⁰የራዕያ፣ የረጺን፣ የነቆዳ፣ ⁵¹የጋዛም፣ የዑዛ፣ የፋሴሕ፣ ⁵²የቤሳይ፣ የምዑኒም፣ የነፉሺሲም፣ ⁵³የበቅቡቅ፣ የሐቁፋ፣ የሐርሑር፣ ⁵⁴የበጽሊት፣ የምሒዳ፣ የሐርሻ፣ ⁵⁵የባርቆስ፣ የሲሳራ፣ የቴማሕ፣ ⁵⁶የነጺያና የሐጢፋ ዘሮች።

⁵⁷የሰሎሞን አገልጋዮች ዘሮች፦ የሶጣይ፣ የሶፌሬት፣ የፍሪዳ፣ ⁵⁸የያዕላ፣ የዳርቆን፣ የጊዴል፣ ⁵⁹የሰፋጥያ፣ የሐጢል፣ የፖኬሬት ሐጻባይምና የአሞን ዘሮች። ⁶⁰የቤተ መቅደስ አገልጋዮች ሁሉና የሰሎሞን አገልጋዮች ዘሮች በአጠቃላይ 392 ነበሩ።

⁶¹ከቴል ሜላሕ፣ ከቴል ሐርሻ፣ ከኪሩብ፣ ከአዶንና ከኢሜር የወጡት እነዚህ ናቸው፤ ነገር ግን ከእስራኤል መሆናቸውን፣ የአባታቸውን ቤትም ሆነ ትውልዳቸውን ማስረዳት አልቻሉም፤

⁶²የደላያ፣ የጦብያና የነቆዳ ዘሮች፣ 642።

⁶³ከካህናቱም፦ የሆባያ፣ የሀቆጽና የበርዚላይ ዘሮች፤ ይህም በርዚላይ ከገለዓዳዊው በርዚላይ ሴቶች ልጆች አንዷን አግብቶ በዚያ ቤተ ሰብ ስም ተጠርቶ ነበር።

⁶⁴እነዚህ የትውልድ ሐረግ መዝገባቸውን ፈለጉ፤ ነገር ግን ስላላገኙ፣ እንደ ርኩሳን ተቈጥረው ከክህነት ተለዩ። ⁶⁵አገረ ገዥውም ኡሪምና ቱሚምን የሚጠይቅ ካህን እስኪቆም ድረስ ከቅድስተ ቅዱሳኑ ምግብ እንዳይበሉ አዘዛቸው። ^a a v65 ኡሪምና ቱሚም በሊቀ ካህናቱ ዘንድ ይጠበቁ የነበሩ የተቀደሱ ዕቃዎች ሲሆኑ፣ በሚያስቸግሩ ጉዳዮች ላይ ከእግዚአብሔር ግልጽ ውሳኔ ለመፈለግ ያገለግሉ ነበር።

⁶⁶ጉባኤው በሙሉ በአንድነት 42,360 ነበር፤ ⁶⁷ይህም ከ7,337 ወንዶችና ሴቶች አገልጋዮቻቸው ሌላ ነበር፤ 245 ወንዶችና ሴቶች ዘማሪዎችም ነበሯቸው። ⁶⁸736 ፈረሶች፣ 245 በቅሎዎች፣ ⁶⁹435 ግመሎችና 6,720 አህዮች ነበሯቸው።

⁷⁰ከአባቶች አለቆች አንዳንዶቹ ለሥራው ሰጡ። አገረ ገዥው ለግምጃ ቤቱ 1,000 የወርቅ ሳንቲም፣ 50 ጎድጓዳ ሳሕኖችና 530 የክህነት ልብሶች ሰጠ። ⁷¹ከአባቶች አለቆች አንዳንዶቹ ለሥራው ግምጃ ቤት 20,000 የወርቅ ሳንቲምና ወደ 2,750 ፓውንድ የሚጠጋ ብር ሰጡ። ⁷²የተቀረው ሕዝብ 20,000 የወርቅ ሳንቲም፣ ወደ 2,500 ፓውንድ የሚጠጋ ብርና 67 የክህነት ልብሶች ሰጠ።

⁷³ካህናቱ፣ ሌዋውያኑ፣ በር ጠባቂዎቹ፣ ዘማሪዎቹ፣ ከሕዝቡ አንዳንዶቹ፣ የቤተ መቅደስ አገልጋዮቹና እስራኤል ሁሉ በየከተሞቻቸው ሰፈሩ። በሰባተኛውም ወር የእስራኤል ሕዝብ በየከተሞቻቸው ነበሩ።