ኢሳይያስ 27

27 ¹በዚያ ቀን አባታችን በኀያሉ፣ በታላቁና በበረታው ሰይፉ ሌዋታንን የሚሸሸውን እባብ፣ ሌዋታንን የሚጠመዝዘውን እባብ ይቀጣል፤ በባሕርም ያለውን ጭራቅ ይገድላል። ^a a v1 ሌዋታን፦ በጥንቱ የቅርብ ምሥራቅ ባህል የመጀመሪያውን ትርምስና ክፋት የሚወክል የሚያስፈራ አፈ ታሪካዊ የባሕር ዘንዶ። ²በዚያ ቀን ፦ ያማረ የወይን አትክልት! ብላችሁ ስለ እርሱ ዘምሩ።

³“እኔ አባታችሁ ጠባቂው ነኝ፤ ቅጽበት በቅጽበት አጠጣዋለሁ፤ ማንም እንዳይጎዳው ሌሊትና ቀን እጠብቀዋለሁ። ⁴አልተቈጣሁም። በውጊያ የሚጋፈጡኝ እሾህና አሜከላ ቢኖሩ ኖሮ፣ በእነርሱ ላይ ዘምቼ ሁሉንም በአንድነት አቃጥላቸው ነበር። ⁵ወይም መጠጊያዬን ይያዙ፤ ከእኔ ጋራ ይታረቁ፤ አዎን፣ ከእኔ ጋራ ይታረቁ።”

⁶በሚመጡት ዘመናት ያዕቆብ ሥር ይሰድዳል፤ እስራኤል ያብባል፤ ቡቃያም ያወጣል፤ ዓለምን ሁሉ በፍሬ ይሞላል። ⁷እነርሱን የመቷቸውን እንደ መታ መትቷቸዋልን? ወይስ ገዳዮቻቸው እንደ ተገደሉ እነርሱ ተገድለዋልን? ⁸እርሷን በማባረር፣ ወደ ምርኮ በመላክ ተከራከርካት፤ የምሥራቁ ነፋስ በነፈሰ ጊዜ በኀይለኛው እስትንፋሱ አስወገዳት። ⁹እንግዲህ በዚህ የያዕቆብ በደል ይሰረይለታል፤ ኀጢአቱን የማስወገድ ፍጹም ፍሬ ይህ ይሆናል፦ የመሠዊያውን ድንጋዮች ሁሉ እንደ ተፈጨ ኖራ ባደረገ ጊዜ የአሼራ ዐምዶችና የዕጣን መሠዊያዎች ቆመው አይቀሩም። ^b b v9 የአሼራ ዐምዶች፦ አሼራ ለተባለችው ሴት ጣዖት ክብር በከነዓናውያን የአምልኮ ስፍራዎች ይቆሙ የነበሩ የእንጨት የአምልኮ ቁሳቁሶች። ¹⁰የተመሸገችው ከተማ ብቻዋን ቆማለች፤ እንደ ምድረ በዳ የተተወችና የተጣለች መኖሪያ ናት፤ ጥጃው በዚያ ይሰማራል፤ በዚያ ይተኛል፤ ቅርንጫፎቿንም ራቍት ያደርጋል። ¹¹ቅርንጫፎቿ ሲደርቁ ይሰበራሉ፤ ሴቶች መጥተው በእነርሱ እሳት ያነድዳሉ። ይህ አስተዋይነት የሌለው ሕዝብ ነውና፤ ስለዚህ ፈጣሪያቸው አይራራላቸውም፤ የሠራቸውም ሞገስን አያሳያቸውም።

¹²በዚያ ቀን አባታችን ከኤፍራጥስ ወንዝ ጀምሮ እስከ ግብፅ ወንዝ ድረስ እህልን ይወቃል፤ እናንተም የእስራኤል ልጆች ሆይ፣ አንድ በአንድ ትሰበሰባላችሁ። ¹³በዚያ ቀን ታላቅ መለከት ይነፋል፤ በአሦር ምድር የሚጠፉትና ወደ ግብፅ ምድር የተባረሩት መጥተው በኢየሩሳሌም በቅዱሱ ተራራ ላይ አባታችንን ያመልካሉ።