Leviathan Pitāra
Avāna drakhārong kasāmi akha thāda hānga, atam kachiva̱li awui kaphungbingli tara̱ phākmida, kala shotaida hānga, ‘I ning mayāmana.’ Ngalānabinglala ngalān masāla ngasīngasīthāda leiranu hāngda ana khoraiya. Kha chili kha̱ngāda khar akha kareng pama, kala Israelli akha eina akha ngarumkhuiluira.
27 1Chithang ithumwui Avāna awui raighai sākashi, khare, kapanga eina, Leviathan yāmkazata phara̱li, Leviathan mashongachei phara̱li, tandi mira; kala ana shamadruwui sārei chi sāthathaora. a a v1 Leviathan: kharā atamwui Near East yurwui chatnalungli, haokaphokwui kakhanang kala makaphā chi ngavaikhame, khangatha̱va̱ mimangwui shamadruwui phara̱ khare akhana. 2Chithang, drakhā yāmgui khamathāthā akhawui laa sālu!
3"Ina, nathumwui Avā, chiwui khamayonana; mikkhayip kachida ina chili tara̱ mi. Khipākhana chili harmon masā khavai, ina chili ngayā zimik ngākmi. 4Ina malungkhavāt maleimana. Ka̱shāt eina phānāng raili ili ngasung kaji leisasi kaja, ina athumli angararra, ina athum thangkha chuitup tāra. 5Lah athumna iwui makārkhami chi singtitranu, ili chingri sāranu; mha, ili chingri sāranu."
6Rāni atambingli Jacobna angayung sa̱khuira, Israelna wonra kala shonluira kala okathui saikora athei eina pemtinghaora. 7Athumli sāthata kahaibingli ana sāthatakha thāda, ana athumli sāthata? Lah athumli shaothata kahaibing shaothata thāda, athum shaothatrala? 8Ali kashamhaida, ali raikathāli chihoda, nana ali ngakaishihaowa; zingshoshongwui masi ungda tharan, awui kakhangang sākashi eina ana ali khuithuihaowa. 9Chithāda sāda hi eina Jacobwui khayonkhamāng pheomira, kala hina awui morei khuithuihai athei katong ngasāra: ana hanphutwui lungguibing saikora akha̱ sākahai lung thāda sāngasak tharan, Asherim kala nganamkaphā hanphutbing khipākha manganingrarmara. b b v9 Asherim: sha̱-vare Asherahwui masot khavai, Canaannaobingwui khokharum apambingli shungkahai thing eina sākahai meoma̱bingna. 10Raipan sākahai keinung china kachiphun nganinga, pamkhavai akha ngachakyāng lamhāng thāda horhaira; chili seinaona phāshai, chili a hompama, kala awui aphāngbing khalāserhaora. 11Awui aphāngbing thengphok tharan, chi tektāhaora; sha̱naobing rāda chi eina mei thotra. Kaja hina theishingkakhui makhalei mibingna; chiwui vang athumwui Kasaana athumli malumashanmimara, kala athumli sākahaipāna athumli ngahānkhangai masāmimara.
12Chithang ithumwui Avāna Euphrateswui eina Egypt kongrā tāshungda ngapora, kala nathum akha-akha eina kazipmihaora, O Israelnaobing. 13Chithang talla̱ khare akha khongra, kala Assyria ngaleili kathikahaibing kala Egypt ngaleili kashamhaokahaibing rāda, Jerusalemli khalei kathara kaphungli ithumwui Avāli khorumra.
