Faɗuwar Lewiyatan
Uban yana magana kamar mai lura da gonar inabi da yake shayar da shukarsa sa'a bayan sa'a, yana cewa a fili, Ba na fushi. Yana gayyatar har ƙayayuwa su yi sulhu maimakon yaƙi. Duk da haka akwai birnin da aka yashe a kusa, ana kuma tattara Isra'ila ɗaya bayan ɗaya.
27 1A wannan rana Ubanmu zai hukunta, da takobinsa mai tsanani, mai girma, mai ƙarfi, Lewiyatan macijin mai gudu—Lewiyatan macijin mai lanƙwasa—zai kuma kashe dodon teku. a a v1 Lewiyatan: wani dodon teku mai bantsoro na tatsuniya, wanda yake wakiltar hargitsin fil azal da mugunta a al'adar daɗaɗɗiyar Gabas ta Tsakiya. 2A wannan rana—ku rera mata waƙa: gonar inabi mai daɗi!
3“Ni, Ubanku, ni ne mai kiyaye ta; lokaci zuwa lokaci ina ba ta ruwa. Domin kada wani yă cuce ta, ina tsaronta dare da rana. 4Ba ni da fushi. Da ma akwai ƙayayyuwa da sarƙaƙƙiya da za su yi karo da ni a yāƙi, da na faɗa musu, da na ƙone su duka gaba ɗaya. 5Ko kuwa su riƙe kāriyata, su yi sulhu da ni—I, su yi sulhu da ni.”
6A kwanaki masu zuwa Yaƙubu zai yi saiwa, Isra'ila zai yi fure yă kuma toho yă cika dukan duniya da 'ya'ya. 7Ya buge su ne kamar yadda ya buge waɗanda suka buge su? Ko kuwa an kashe su ne kamar yadda aka kashe masu kashe su? 8Da korarta, da aika ta zaman bauta, ka yi faɗa da ita; ya kau da ita da iskarsa mai tsanani sa'ad da iskar gabas ta busa. 9Saboda haka ta wannan ne za a kafarta laifin Yaƙubu, wannan kuma shi ne cikakken sakamakon kawar da zunubinsa: sa'ad da ya mai da dukan duwatsun bagade su zama kamar alli markaɗaɗɗe, ba za a bar wani ginshiƙin Ashera ko bagadan turare a tsaye ba. b b v9 Ginshiƙan Ashera: abubuwan bautar gumaka na katako da ake kafawa a wuraren bautar Kan'aniyawa domin girmama gunkiyar nan Ashera. 10Birni mai katanga yana tsaye shi kaɗai, gida kufai da aka yashe da aka watsar kamar jeji; a can ɗan maraƙi yake kiwo, a can yake kwanciya yă kuma cije rassansa su kakkaɓe. 11Sa'ad da rassansa suka bushe, sai a kakkarye su; mata kan zo su hura wuta da su. Gama wannan jama'a ce marar ganewa; saboda haka Mahaliccinsu ba ya nuna musu jinƙai, wanda kuma ya ƙera su ba ya nuna musu alheri.
12A wannan rana Ubanmu zai yi sussuka tun daga Kogin Yufiretis har zuwa Rafin Masar, za a kuwa tattara ku ɗaya ɗaya, 'ya'yan Isra'ila. 13A ranar nan za a busa ƙaho mai girma, waɗanda suke mutuwa a ƙasar Assuriya da waɗanda aka kora zuwa ƙasar Masar kuma za su zo su yi wa Ubanmu sujada a kan dutse mai tsarki a Urushalima.