Agya no Afɔremuka Gyina Hɔ Bio
Ansa na asɔredan biara begyina no, nnipa a wɔsan bae no si yɛn Agya afɔremuka no wɔ ne fapem dedaw so — wɔsuro aman a atwa wɔn ho ahyia no — na wɔsan fi da biara afɔrebɔ ase. Bere a wɔto fapem no, mpanyin a wɔkae fie a edi kan no su dennen sɛnea afoforo no team.
3 1Ɔsram a ɛto so ason no mu, bere a Israelfo atena wɔn nkurow mu no, nnipa no boaa wɔn ho ano sɛ onipa baako wɔ Yerusalem. 2Afei Yosadak ba Yesua ne ne mfɛfo asɔfo, ne Sealtiel ba Serubabel ne ne mfɛfo, fii adwuma ase sii yɛn Agya afɔremuka, sɛ wɔde bɛbɔ ɔhyew afɔre wɔ so, sɛnea wɔakyerɛw wɔ Mose a ɔyɛ yɛn Agya nipa no Mmara mu no. 3Wɔde afɔremuka no sii ne fapem so, efisɛ na wosuro aman a atwa wɔn ho ahyia no, na wɔbɔɔ ɔhyew afɔre wɔ so maa yɛn Agya anɔpa ne anwummere. 4Wodii Asese Afahyɛ no sɛnea wɔakyerɛw no, na wɔbɔɔ ɔhyew afɔre da biara, dodow a ɛsɛ sɛ wɔbɔ da biara no. 5Ɛno akyi no, wɔbɔɔ ɔhyew afɔre a wɔbɔ no daa, ɔsram foforo afɔre, yɛn Agya afahyɛ kronkron nyinaa afɔre, ne akyɛde a obiara a ɔde ɔpɛ mu afɔre brɛɛ yɛn Agya no de bae. 6Efi ɔsram a ɛto so ason no da a edi kan no, wofii ase bɔɔ ɔhyew afɔre maa yɛn Agya, ɛwom sɛ na wɔntoo yɛn Agya asɔrefi no fapem ɛ. 7Wɔtuaa abo dwumfo ne nnua dwumfo ka, na wɔde aduan, nsa ne ngo maa Sidonfo ne Tirofo, sɛnea wɔbɛfa po so de sida nnua afi Lebanon abɛduru Yopa, sɛnea Persia hene Kores ama wɔn ho kwan no.
Wɔhyɛ Agya no Fi Ase Si
8Afe a ɛto so abien a woduu yɛn Agya fi wɔ Yerusalem no, ɔsram a ɛto so abien no mu, Sealtiel ba Serubabel ne Yosadak ba Yesua ne wɔn nkurɔfo a aka no—asɔfo no, Lewifo no ne wɔn a wofi nnommumfa mu san baa Yerusalem no nyinaa—fii adwuma no ase. Wɔde Lewifo a wɔadi mfe aduonu ne nea ɛboro saa no sii yɛn Agya fi no ho adwuma no so. 9Afei Yesua ne ne mma ne ne nuanom, ne Kadmiel ne ne mma, Yuda mma, kaa wɔn ho bɔɔ mu hwɛɛ wɔn a wɔreyɛ yɛn Agya fi no ho adwuma no so—ɛne Henadad mma, wɔn mma ne wɔn nuanom, Lewifo no.
10Bere a adansifo no too yɛn Agya asɔrefi no fapem no, asɔfo a wɔhyɛ wɔn asɔfotade gyinaa hɔ kuraa torobɛnto, na Lewifo, Asaf mma, kuraa nnawuru, sɛ wɔnkamfo yɛn Agya sɛnea Israel hene Dawid hyɛe no. 11Wɔtoo dwom gyegyee so, kamfoo yɛn Agya na wɔdaa no ase se, “Ɔyɛ papa; nʼadɔe a ɔwɔ ma Israel wɔ hɔ daa.” Nnipa no nyinaa teaam denneennen kamfoo no, efisɛ wɔatoto yɛn Agya fi no fapem.
12Asɔfo, Lewifo ne mmusua mpanyimfo a wɔanyin a wohuu fi a edi kan no mu pii suu denneennen bere a wɔtoo fi yi fapem wɔ wɔn anim no, bere a afoforo pii nso de anigye teateaam. 13Obi antumi anhu anigye nteɛmu no ne osu no ntam nsonsonoe, efisɛ nnipa no teaam denneennen ara ma wɔtee wɔ akyirikyiri.
