Mi eng' bukuit

Zekariah 13 FHB Father's Heart Bible™

Kiistoi 15% eng' kiy ne iale korook →
Bukuit

Kondo ne Kiyaatat ne po Katiliilet

Keyat kondo si kiunot tengekto, ak kitilei kanamonik ak maotik che po lembech, ak kibarei mestowot si koyestaat keechiirek. Keibei kebeberta agenge ne po somok eng' maat ak koweektoi, agoi kole, Piikyuk icheek, ak koleen icheek, Kwandanyo.

Ng'alaali Kwandanyo eng' mustarisyek 1–9

Sura 13.

Eng' peetuunooto keyatyin kondo ne po kootap Daudi ak piigap Jerusalem, si kitiliil icheek eng' tengekto ak murwoonindo.

Eng' peetuunooto, mwaei Kwanda ne po lugoosyek, atilye kainaigap kanamonik eng' emet, si koma kibwaate kogeny; ak aiste maotik ak kabuusetap murwoonindo eng' emet.

Ngo maoten chii age tugul kogeny, koleenji kwandanyi ak kamennyi che ki sikyi ineendet, “Imee iman, amu kiing'alaal lembech eng' kainetap Kwandanyo.” Ak ye maoten, kotoor ineendet kwandanyi ak kamennyi che ki sikyi ineendet.

Eng' peetuunooto kolilaan maotyot age tugul agobo ng'ang'utyennyi ye maoten; ak ma kolaach ngoryeet ne sabul si koberberisye.

Ago kowol kole, “Ma aa maotyot; aa chiitap mbareet, amu ek emet poroindonyu kobooch ming'inatennyu.” Ngo teebe ineendet chii age kole, “Nee pirutichu che mi kwenutap euneguk?” kowol kole, “Ki aguoten eng' kootap choronokyuk.” a a v6 Ng'olyoondoni “kwenutap euneguk” ko ng'olyoot ne po kasarta ne kiga koegit ne mwaei pirutik che keeri eng' togeetap poorto.

Kibir Mestowot, ak Kiyesta Keechiirek

Ng'eet, rotweet, agaigai mestowondennyu, agaigai chiito ne tonone neegit anee, mwaei Kwanda ne po lugoosyek. Ibar mestowot, si koyestaat keechiirek; ak aweektoi eunnyu agaigai che mengeechen. b b v7 Ki mwa Jeso ng'olyoondoni agobo ineegei eng' kemeutyet ne ki nameei ineendet: “Abar mestowot, ak koyestagei keechiirek che po riik” (Matayo 26:31; Marko 14:27). Ak eng' emet komugul, mwaei Kwandanyo, kitile kebeberta aeng' che po somok ak kolusyo, ago kobakta kebeberta agenge ne po somok kosabei eng' ineendet. Kebeberta agenge ne po somok ne po let ko aibu eng' maat; atiliil icheek ko uu fedha, ak atyem icheek ko uu thahabu. Koguure kainennyu; awolu icheek. Ale anyun, “Lagokyuk icheek,” ak kole, “Kwandanyo.”