د پاکوالى دپاره خلاصه شوې چينه
يوه چينه پرانيستل کېږي چې ګناه ومينځي، بتان او درواغجن پېغمبران لرې کېږي، او شپون وهل کېږي چې پسونه تيت شي. درېيمه برخه له اور څخه تېرېږي او پاکېږي، تر دې چې هغه وايي: دوی زما اولادونه دي، او دوی وايي: زموږ پلاره.
13 1په هغه ورځ به د داؤد د کور او د يروشلم د خلقو دپاره يوه چينه خلاصه شى، ترڅو هغوئ د ګناه او ناپاکۍ نه پاک کړى.
2په هغه ورځ، د آسمان د لښکرو پلار فرمائى، زۀ به د بتانو نومونه د دې مُلک نه داسې قطع کړم چې بيا به يې هيڅوک ياد نۀ کړى؛ او زۀ به نبيان او د ناپاکۍ روح د دې مُلک نه لرې کړم.
3کۀ بيا هم څوک نبوت وکړى، نو هغه پلار او مور چې هغه يې زېږولے دے هغۀ ته به ووائى چې، ”تۀ بايد مړ شې، ځکه چې تا د زمونږ پلار په نوم دروغ وئيلى دى.“ او کله چې هغه نبوت وکړى، نو د هغۀ پلار او مور چې هغه يې زېږولے دے هغه به په چاړه ووهى.
4په هغه ورځ به هر نبى د خپلې رويا نه شرمنده شى کله چې هغه نبوت وکړى؛ او د دوکه ورکولو دپاره به هغوئ د وېښتو څادر وا نۀ اغوندى.
5خو هغه به ووائى چې، ”زۀ نبى نۀ يم؛ زۀ خو کروندګر يم، ځکه چې د خپلې ځوانۍ نه راهيسې زمکه زما ملکيت ده.“ 6کۀ څوک هغۀ ته تپوس وکړى چې، ”دا ستا د لاسونو ترمنځ زخمونه څۀ دى؟“ نو هغه به ووائى چې، ”زۀ د خپلو دوستانو په کور کښې زخمى شوے وم.“ a a v6 دا جمله ”ستا د لاسونو ترمنځ“ يوه زړه محاوره ده چې د بدن په وړاندينۍ برخه باندې د ښکاره زخمونو دپاره کارېږى.
شپون ووهلے شو، مېږې خورې شوې
7اے تُورې، زما د شپون خلاف راپاڅېږه، د هغه سړى خلاف چې زما سره نزدې ولاړ دے، د آسمان د لښکرو پلار فرمائى. شپون ووهه، نو مېږې به خورې شى؛ او زۀ به خپل لاس د وړو خلاف وګرځوم. b b v7 عيسىٰ دا آيت په هغه شپه چې هغه ونيولے شو په خپل ځان پورې اړولو: ”زۀ به شپون ووهم، نو د رمې مېږې به خورې شى“ (متى ۲۶:۳۱؛ مرقس ۱۴:۲۷). 8او په ټول مُلک کښې، زمونږ پلار فرمائى، د درېو برخو نه به دوه برخې قطع او هلاکې شى، خو يوه برخه به په دې کښې ژوندۍ پاتې شى. 9هغه پاتې درېمه برخه به زۀ اور ته ننباسم؛ زۀ به هغوئ د سپينو زرو په شان صفا کړم، د سرو زرو په شان به يې وآزمايم. هغوئ به زما نوم يادوى؛ زۀ به هغوئ ته جواب ورکړم. بيا به زۀ ووايم چې، ”دا زما بچى دى،“ او هغوئ به ووائى چې، ”زمونږ پلار.“
